Kikboksing bo‘yicha O‘zbekiston kubogining tantanali ochilish marosimi bo‘lib o‘tdi

Bugun O‘zbekiston davlat jismoniy tarbiya va sport universiteti sport majmuasida kikboksing sport turi bo‘yicha kichik o‘smirlar, o‘smirlar, yoshlar hamda kattalar o‘rtasida o‘tkazilayotgan O‘zbekiston kubogining tantanali ochilish marosimi bo‘lib o‘tdi.

Mazkur sport tadbirida Sport vaziri Adkham Ikramov ishtirok etib, mamlakatimizda kikboksing sport turining izchil rivojlanayotganligi, ayniqsa yoshlar oʻrtasida mazkur sportga qiziqish tobora ortib borayotganligini alohida ta’kidladi. 

O‘zbekiston kubogida respublikaning barcha hududlaridan jami 1344 nafar iqtidorli sportchi ishtirok etmoqda.

Musobaqa bahslari O‘zbekiston Kikboksing assotsiatsiyasining xalqaro va milliy toifadagi 42 nafar malakali hakamlari tomonidan adolatli va xolisona boshqarilib borilmoqda.

Shunigdek, tadbir davomida joriy yilning 21–30 noyabr kunlari Birlashgan Arab Amirliklarining Abu-Dabi shahrida bo‘lib o‘tgan WAKO World Kickboxing Championship – 2025 musobaqasida muvaffaqiyatli ishtirok etgan bir guruh sportchilar ham munosib taqdirlandi.