Bitiruvchi kurs talabalari bitiruv oldi amaliyot hisobotlarini topshirmoqda

Mazkur hafta davomida O‘zbekiston davlat jismoniy tarbiya va sport universitetida bitiruvchi kurs talabalarining bitiruv oldi amaliyot yakunlari bo‘yicha hisobotlari tinglanmoqda.

Bitiruv oldi amaliyotlari O‘zbekiston Respublikasi Prezidentining 2022 yil 3-noyabrdagi “Jismoniy tarbiya va sport sohasida kadrlarni tayyorlash hamda ilmiy tadqiqotlar tizimini yana-da takomillashtirish chora-tadbirlari to‘g‘risida”gi PQ-414-son qarorida belgilangan vazifalari ijrosi doirasida tashkillashtirildi.  

Jumladan, “Menejment (jismoniy tarbiya va sport menejmenti)”, “Menejment (sport tadbirlarini tashkil etish va boshqarish)” va “Marketing (sport marketingi)” bakalavriat taʼlim yo‘nalishlari bitiruvchi talabalarining bitiruv oldi amaliyoti o‘z yashash manzillaridagi mahalla va sport maktablarida tashkil qilinib, u yerdagi “Besh tashabbus olimpiadasi” sport musobaqalarini bevosita tashkillashtirish va o‘tkazish jarayonlarida ishtirok etishdi.

Talaba-yoshlar amaliyot davomida turli sport tashkilotlari, shuningdek, musobaqa jarayonlarida amalga oshirgan ishlarini o‘z taqdimotlarida batafsil yoritib, hayʼat aʼzolari tomonidan berilgan savollarga ham faollik bilan javob qaytarishdi.