🏆O‘zDJTSU talabalari “TalabaExpo-2025” ko‘rgazmasida …

#TalabaExpo_2025

✔️Xabaringiz bor, joriy yilning 21–23 mау kunlari Toshkent shahridagi “Zakovat” arenasida oliy ta’lim tashkilotlari bitiruvchilari uchun “TalabaExpo-2025” kasblar ko‘rgazmasi tashkil etilib, unda 700 dan ortiq yirik korxona va tashkilotlar vakillari yoshlar uchun manfaatli va daromadli ish o‘rinlari bilan qatnashmoqda.

🤔Ko‘rgazma doirasida “Talaba – kelajak” nomli bitiruvchilar bilan muloqot, seminarlar, “Biznes loyihalari” va startap loyihalar taqdimoti, kreativ shoular, taniqli kompaniyalar asoschilari bilan uchrashuvlar hamda turli madaniy va musiqiy kechalar o‘tkazilmoqda.

☄️E’tiborlisi, ushbu ko‘rgazmada O‘zbekiston davlat jismoniy tarbiya va sport universiteti O‘quv ishlari bo‘yicha prorektori Eldor Raxmanov boshchiligidagi mas’ullar, professor-o‘qituvchilar hamda1300 nafardan ortiq talabalardan iborat  oliygoh jamoasi ham faol ishtirok etmoqda.

📊Xususan, ko‘rgazmaning bugungi, 22-may sanasida bo‘lib o‘tgan “Kelajakka qadam” dasturi asosida bitiruvchi talabalarning biznes loyihalarini moliyalashtirish bo‘yicha O‘zbekiston milliy bank va Aloqa bank mutaxassislari bilan bo‘lib o‘tgan uchrashuvlar talabalarda katta qiziqish uyg‘otib, tadbirkorlik faoliyatini boshlash, biznes loyihalar ishlab chiqish hamda imtiyozli kreditlar bo‘yicha kerakli ma’lumotlarga ega bo‘ldilar. O‘z navbatida talabalar ham mazkur yo‘nalish bo‘yicha o‘zlarini qiziqtirgan savollariga javoblar oldi.

Bir so‘z bilan aytganda, ushbu ko‘rgazma yoshlar, taʼlim, innovatsiya va tadbirkorlik olamining eng yirik va nufuzli tadbiri sifatida bitiruvchi yoshlar uchun ochiq muloqot va o‘zaro fikr almashish maydoniga aylanib ulgurdi.