Universitet ilmiy salohiyati qadamba qadam oshirilayapti

Joriy yilning 10 noyabr kuni O‘zbekiston davlat jismoniy tarbiya va sport universiteti rektori M.Boltabayev ilmiy daraja va ilmiy unvon olgan, shuningdek, dissertatsiya ishini muddatidan oldin muvaffaqiyatli himoya qilgan professor-o‘qituvchilar bilan uchrashdi. Dastlab universitet rahbari muvaffaqiyat va yutuqlarga erishgan xodimlarni tabrikladi, ilmiy izlanishlar olib borayotgan tadqiqotchilarni doimo qo‘llab-quvvatlashga tayyor ekanligini bildirdi.

Yig‘ilishda falsafa doktori (PhD) ilmiy darajasiga hamda “dotsent” ilmiy unvonlariga sazovor bo‘lgan o‘qituvchilarga diplomlar tantanali ravishda topshirildi.