🟡“Yil sarhisobi va yangi marralar sari: 2025-yil natijalari e’tirof kechasi”

🎄🗣️ Bugun, 29-dekabr kuni O‘zbekiston davlat jismoniy tarbiya va sport universitetida 2025-yil yakuniga bag‘ishlangan “YIL SARHISOBI” nomli yangi yil shou-bayram tadbiri bo‘lib o‘tdi.

🌎 Tadbir universitet rektori, professor Rashid Matkarimovning kirish so‘zi bilan boshlandi. Rektor o‘z nutqi avvalida joriy yilning 26-dekabr kuni Shavkat Mirziyoyev tomonidan Oliy Majlis va O‘zbekiston xalqiga yo‘llangan Murojaatnomada belgilab berilgan ustuvor vazifalar mazmun-mohiyatiga to‘xtalib o‘tdi.

✔️Shuningdek, universitetda 2025-yil davomida amalga oshirilgan ijobiy islohotlar, erishilgan muhim yutuqlar haqida so‘z yuritib, jamoani kirib kelayotgan yangi yil bilan samimiy tabrikladi.

⚡️ Ko‘tarinki kayfiyat, hayajonli va unutilmas lahzalarga boy bayram tadbirida taniqli san’atkorlar — O‘zbekiston xalq artisti Erkin Komilov, estradamizning yorqin vakili Doniyor G‘oipov hamda boshqa iste’dodli san’atkorlar ishtirok etdi.

✅Bayram doirasida universitetning bir guruh professor-o‘qituvchilari va fidoyi xodimlari yil davomida ko‘rsatgan samarali mehnatlari uchun turli nominatsiyalar bo‘yicha taqdirlandi va e’tirof etildi.

👦 Quyida nominatsiya g‘oliblari bilan tanishishingiz mumkin:

⏺ O‘quv ishlari yo‘nalishida:

➡️ “YILNING ENG YAXSHI PEDAGOGI” (erkak): Tilavov Shahboz Sidiqul o‘g‘li
➡️ “YILNING ENG YAXSHI PEDAGOGI” (ayol): Habibjonova Xushruya Murodjon qizi
➡️“YILNING ENG FAOL O‘QUV ISHLARI BO‘YICHA MAS’ULI”: Abdullayev Bobir Baxtiyorovich
➡️ “YILNING ENG NAMUNALI KAFEDRASI”: Milliy kurash turlari nazariyasi va uslubiyati kafedrasi

🔬 Ilmiy yo‘nalishda:

➡️ “YILNING ENG YAXSHI MAQOLA MUALLIFI”: Ortiqova Manzura Davronbekovna

💼 Moliya-xo‘jalik yo‘nalishida:

➡️ “YILNING ENG YAXSHI XO‘JALIK XODIMI”: Temirov Alimboy
➡️ “YILNING ENG FIDOIY XODIMI” (erkak): Abdullayev Madamin
➡️ “YILNING ENG FIDOIY XODIMI” (ayol): To‘xtaboyeva Sharofat

Turli yo‘nalishlar:

➡️ Yilning eng faol tashkiliy bo‘linmasi: Ofis registratori xizmatlari boshqarmasi
➡️ “YILNING ENG FAOL MA’NAVIYAT TARG‘IBOTCHISI”:  Shagiyev Ildus Ilyasovich
➡️ Sport tadbirlarining eng faol ishtirokchisi: Tunyan Alyona Andreevna
➡️“YILNING ENG FAOL KUTUBXONACHISI”: Salayeva Barno Nigmatullaevna
➡️ “YILNING ENG FAOL XOTIN-QIZLAR MAS’ULI”: Kushbakova Sevara Eshboyevna

✅Shuningdek tadbir yakunida 2025-yil davomida ilmiy-tadqiqot ishlarini muvaffaqiyatli himoya qilgan bir guruh universitet professor-o‘qituvchilari va ilmiy izlanuvchilarga tantanali tarzda diplomlar topshirildi.