Jangovar yakkakurash sport turlarini rivojlantirishning dolzarb muammolari” mavzusidagi Respublika ilmiy-amaliy anjumani bo‘lib o‘tdi.

O‘zbekiston davlat jismoniy tarbiya va sport universiteti Jangovar yakkakurash sport turlari nazariyasi va uslubiyati kafedrasi tashabbusi bilan “Jangovar yakkakurash sport turlarini rivojlantirishning dolzarb muammolari” mavzusida Respublika ilmiy-amaliy anjumani muvaffaqiyatli o‘tkazildi.

🗣️Anjumanning asosiy maqsadi mamlakatimizda jangovar yakkakurash sport turlarining bugungi holati va rivojlanish tendensiyalarini tahlil qilish, ilmiy-uslubiy ta’minotni takomillashtirish, zamonaviy sport tayyorgarligiga oid mavjud muammolarga yechim topish hamda sohaga oid mutaxassislar o‘rtasida tajriba almashuvini yo‘lga qo‘yishdan iborat bo‘ldi.

🗣Tadbirda kafedra professor-o‘qituvchilari, sport sohasidagi yetakchi mutaxassislar, federatsiyalar vakillari hamda bir qator oliy ta’lim muassasalarining professor-o‘qituvchilari ishtirok etib, yosh tadqiqotchilar bilan o‘z ilmiy tajribalarini, uslubiy qarashlarini va amaliy tavsiyalarini bo‘lishdilar.

➡️Anjumanda quyidagi yo‘nalishlarda fikr almashildi:

jangovar yakkakurash turlarining zamonaviy rivojlanish jarayonlari;

🔴sportchilarni tayyorlashning ilmiy-uslubiy asoslari;

🟣yosh sportchilar bilan ishlashning innovatsion yondashuvlari;

🔘sport mashg‘ulotlari jarayonida uchraydigan dolzarb muammolar va ularning yechimlari.

🟢Anjuman yakunida eng faol talabalar rag‘batlantirildi, eng yaxshi ilmiy taqdimotlar alohida e’tirof etildi. Kafedra tomonidan bunday ilmiy-amaliy uchrashuvlarni kelgusida ham muntazam davom ettirish rejalashtirilgan.

➡️Mazkur tadbir talaba-yoshlarning ilmiy madaniyatini rivojlantirish, sohada malakali mutaxassislar safini kengaytirish hamda akademik muhitni yanada mustahkamlashga xizmat qildi.