BOKS, KIK-BOKS, MUAYTAY NAZARIYASI VA USLUBIYATI KAFEDRASI

KAFEDRA TARIXI

O‘zbekiston davlat jismoniy tarbiya va sport universiteti - O‘zbekistonda jismoniy tarbiya va sport sohasida yuqori malakali mutaxassislar tayyorlaydigan Markaziy Osiyodagi eng yirik muassasalardan biri hisoblanadi. Dastlab Institut 1955-yil avgust oyida tashkil etilgan. 1958-yilda Boks, kurash va og'ir atletika kafedrasi tashkil etilgan bo‘lib kafedra mudiri lavozimiga Yu.I. Sirotkin tayinlangan. Kafedraning bitiruvchilari va o‘qituvchilari safida pedagogika fanlari doktori va professor ilmiy darajasiga ega insonlar ko‘pchilikni tashkil etadi. Jumladan: Sh. A. Abdullaev, G. B. Abdurasulova, V. Alekseenko, Sh.N. Zokirov, Z.T. Kosimbekov, A. Rafikova, I. Sadriddinov, M.I. Sidikov, F.K. Turdiev, V.N. Shin, A. A. Kodirov, R. A. Maksumov, X. I. Muxammedov, B. N. Nazarov, T. Polatov, I.Y. Shamsematov, A.S. Gelyagen, (boks), K.A. Tojieva, O.A. Zaburnyagin,L.I. Efremova, P. A. Kutelnas, V. Mixaylov, E.N. Sokolova, N.A. Fetisovalar (qilichbozlik) kafedrada uzoq yillar o‘z faoliyatini olib borganlar. Kafedraga 2008-yildan boshlab Taekvondo mutaxassisligi qo‘shilganligi munosabati bilan kafedra nomi “Boks, qilichbozlik va taekvondo nazariyasi va uslubiyati” deb nomlandi. 2017-yil Prezident qarori bilan O‘zbekiston davlat jismoniy tarbiya institutiga Universitet maqomi berilgandan so‘ng kafedra nomi “Boks, taekvondo, qilichbozlik nazariyasi va uslubiyati” deb nomlandi.

2021-yilga kelib kafedra nomi “Boks, qilichbozlik nazariyasi va uslubiyati” deb nomlandi. Bunga sabab Taekvando sport ixtisosligi Karate yo‘nalishi bilan birlashib alohida kafedra bo‘ldi, bundan tashqari Kikboks ixtisosligi “Boks, qilichbozlik nazariyasi va uslubiyati” kafedrasi tarkibiga qo‘shildi.

2023-yil sentyabr oyidan "muay tay" sport turi qo‘shilganligi sababli kafedra "Boks, kikboks, muay tay nazariyasi va uslubiyati" kafedrasi deb qayta nomlandi. Ushbu o‘quv yilida kafedrada professor-o‘qituvchilari tarkibi 26 nafarni tashkil etib shundan: 5 nafari professor, 1 nafari v.b. professor, 3 nafari dotsent, 1 nafari v.b. dotsent, 4 nafari katta o‘qituvchi va 11 nafari o‘qituvchilardan iborat. Hozirgi kunda kafedrada faoliyat olib borayotgan professor-o‘qituvchilar yuqori salohiyatga ega bo‘lib, unda fan doktorlari, prof. R. D. Xalmuxamedov, S. S. Tajibayev hamda professorlar, T.M. Qilichev, V.D. Anashov, Sh.S. Dilmurodov,dotsentlar: G‘.Q. Rajabov, Q.A. Umarov, G‘.R. Matkarimov, dotsent v.b.:R.N. Abduxamidov, katta o‘qituvchilar: Q.S. Abdullaev, Sh.K. Karimov, M.Y. Ergashev, R.K. Gafurov, o‘qituvchilar: Sh.B. Xudoyberdiyev,F.K. Qilichev, R.T. Ro‘zioxunov, I.I. Akramov, S.S. Eshpo‘latov, N.N. Abduxamidov, Sh.R. Nizamova, Sh.X. Badalova, A.Sh. Qahhorjonov, Sh.U. Nabiyev hamda F.X. Orifjonov faoliyat ko‘rsatib kelmoqda. Kafedra mustaqil davlatlar hamdo‘stligi jismoniy tarbiya institutlari turdosh kafedralari bilan doimiy hamkorlik qilib keladi. Kelajakda kafedrada ilmiy-tadqiqot ishlarini olib borish maqsadida ilmiy-tibbiy uskunalar bilan jihozlangan ilmiy-tadqiqot labaratoriyasini yaratish rejasi mavjud. Boks, qilichbozlik nazariyasi va uslubiyati kafedrasi respublikamizga yuksak salohiyatga ega bo‘lgan munosib kadrlarni tayyorlab kelmoqda. Kafedra tasarrufida ko‘plab olimpiyada, jahon va Osiyo chempionlari tahsil olib kelmoqda.