VOLEYBOL, BASKETBOL NAZARIYASI VA USLUBIYATI KAFEDRASI

KAFEDRANING TARIXI

     Sport o‘yinlari kafedrasiga 1955 yilda – institut tashkil etilgan vaqtda voleybol, basketbol, futbol, tennis, qo‘l to‘pi va suzish bo‘yicha yuqori malakali mutaxassislarni tayyorlash vazifasini amalga oshirish maqsadida asos solindi. 1956-57 o‘quv yilida kafedra tarkibidan suzish ixtisosligi ajralib chiqdi. 1959 yilda Respublika birinchi bor o‘zining 36 nafar oliy ma’lumotli mutaxassisiga ega bo‘ldi: voleybol bo‘yicha – 9, basketbol bo‘yicha – 11, futbol bo‘yicha – 15, tennis bo‘yicha esa 1 nafar va bu yosh mutaxassislar keyinchalik ishlash uchun O‘zbekistonning turli hududlariga taqsimlandilar.

     1966-67 o‘quv yilida kafedradan futbol va qo‘l to‘pi ixtisosliklari mustaqil kafedra sifatida faoliyat olib borish uchun ajralib chiqdi. 2000 yildan kafedra “Sport va milliy o‘yinlar kafedrasi” deb atala boshladi.2018 yildan institut O‘zbekiston jismoniy tarbiya va sport universiteti maqomini olgandan so‘ng kafedra “Voleybol, basketbol nazariyasi va uslubiyati” kafedrasi deb atala boshladi.

     Institutga asos solingan kundan boshlab (1955) sport o‘yinlari kafedrasining birinchi mudiri O‘zbekistonda xizmat ko‘rsatgan murabbiy V. X. Shnurov bo‘lib, u kafedraga 1960 yilga qadar rahbarlik qildi. Turli yillarda jamoani O‘zbekistonda xizmat ko‘rsatgan murabbiy Keshishev G. L. (1960-1968), O‘zbekistonda xizmat ko‘rsatgan murabbiy Shveduks V. F. (1968-1970), O‘zbekistonda xizmat ko‘rsatgan murabbiy Itskov I. I. (1970-1972), professor Rasulev O. T. (1972-1974), dotsent Qosimov A. Sh. (1974-1984), professor, O‘zbekistonda xizmat ko‘rsatgan murabbiy Ayrapetyans L. R. (1984-2016), pedagogika fanlari nomzodi, dotsent Kdirova M. A. (2016-2018), xalqaro toifadagi sport ustasi, dotsent Ashurkova S. F. (2018-2022), PhD, dotsent Ummatov A. A. 2022 yil sentyabrdan kafedra mudiri bo`lib tayinlandi.

     Kafedraning professor-o‘qituvchilari tarkibi tomonidan ko‘plab monografiyalar, darsliklar, o‘quv qo‘llanmalari, usuliy qo‘llanmalar, usuliy tavsiyanomalar, ilmiy maqola va tezislar tayyorlanib, nashr ettirilgan. Kafedra o‘qituvchilari, aspirantlari, mustaqil tadqiqotchilari, magistrantlari hamda talabalari tomonidan sport, o‘quv va kasbiy-mehnat faoliyati amaliyotiga turli tavsiyalar tatbiq etildi. Kafedraning fan doktori ilmiy darajasi va professor unvoniga ega bo‘lgan bitiruvchi hamda o‘qituvchilari: Ayrapetyans L.R., Koshbaxtiev I.A., Rasulev O.T., Rixsieva O.A., Usmonxo‘jaev T.S.; fan nomzodi darajasi va dotsent unvoni sohiblari: Alimxo‘jaeva CH. R., Botirov X.  A., Bezverxov V.  P., Dukalskaya A. V., Qosimov A. SH., Po‘latov A.  A., Sergeev G. M.

     Kafedra bitiruvchilari va xodimlari jumlasiga: O‘zbekistonda xizmat ko‘rsatgan trenerlar – X.  Abbosov, T. Abramova, S. Abidov, L. Ayrapetyans, V. Badaev, G. Bagirov, A. Voxidov, L. Velichko, M. Galperin, L. Gurfinkel, G. Dashevskiy, A. Izrailov, A. Elkin, R.Ibragimov, R. Itskov, V.Kamelzon, G. Keshishev, V. Kinshakov, L. Lopatin, N. Prokofeva, V. Pushkarev, N. Stepanov, F. Sultanbekov, I. Tashmuxamedov, V. Shveduks, V. X.Shnurov; xalqaro toifadagi hakamlar – L. Ayrapetyans, A. Velichko, M.Jukov, V.Kuleshov, M.Sirotenko, N.Stepanov; milliy toifadagi hakamlar – R.Avetisyan, V.Bausov, G.Dashevskiy,  L.Elkin, I.Itskov, G. Keshishev, A. Koneev, L. Korchagina, V. Kolyujniy, V. Pushkarev, Y. Ribalskiy, V. Shveduks, V.  X. Shnurov, V.  V. Shnurov; xizmat ko‘rsatgan sport ustalari – A. Jarmuxamedov, R. Salimova, E. Tornikidu; xalqaro toifadagi sport ustalari – S.Ashurkova, P.Zborovskaya, M.Inoyatov, D.Istomin, I.Isroilova, M.Martinenko, L. Pavlova, V. Semina, L. Suleykina, O.Xo‘jaeva, E.SHmitova;

     80 kishidan ziyod sport ustalari kiradi. Kafedra faoliyat ko‘rsatgan turli yillar mobaynida uning tarkibida quyidagi mutaxassislar ish olib bordilar: voleybol - A.Bagirova, V. Bardin, V. Bausov, A. Dukalskaya, L. Gaar, Sh. Ismoilov, A. Karimov, L. Korchagina, G. Levin, A. Omarova, B. Pokrovskiy, A. Tunyan, G. Xudyakov, E. Shmitova; basketbol – X.Abbasov, F. G‘anieva, M. Galiev, N. Glebova, R. Zabirov, V. Zapuskalova, X. Ismatullaev, R. Itskov. L. Kuchina, A. Pleshakov, A. Portnova, N. Sokolova, V. Sushko, A. Tubalov, V. To‘raxodjaev, M. To‘raxodjaeva, M. Qosimova, M. Qurbonova, G. Yakubov; tennis – X. Abidova, V. Bezverxov, M. Gaziev, CH. Olimxo‘jaeva, N. Umarova, SH. CHebotarev. 2018 yildan institut "O‘zbekiston jismoniy tarbiya va sport universiteti" maqomini olgandan so‘ng kafedra “Voleybol, basketbol nazariyasi va uslubiyati” kafedrasi deb atala boshladi.

XALQORO MUSOBAQALARDA ISHTIROK