Yangi O‘zbekistonni birgalikda barpo etamiz” shiori ostida an’anaviy “Talabalar bahori

Bugun O‘zbekiston davlat jismoniy tarbiya va sport universitetida “Yangi O‘zbekistonni birgalikda barpo etamiz” shiori ostida an’anaviy “Talabalar bahori” festivali hamda uning doirasida “Navro‘zni ulug‘lash – insonni ulug‘lashdir!” shiori ostida bahor va yangilanish ayyomi – Navro‘z bayram sayli keng nishonlandi.

🎊Mazkur tadbirda O‘zbekiston Respublikasi sport vaziri o‘rinbosari Sh. Maxmudov, O‘zbekiston talabalar sporti assotsiatsiyasi raisi o‘rinbosari Erkin Qodirov, universitet rahbariyati, professor-o‘qituvchilar, faxriy ustozlar, xalqaro tajribaga ega mutaxassislar, shuningdek, Turkiya, Bangladesh, Qirg‘iziston va Germaniya kabi davlatlardan tashrif buyurgan 20 ga yaqin xorijiy mehmonlar, taniqli san’at ustalari, sport federatsiyalari vakillari, ishchi-xodimlar hamda talabalar faol ishtirok etdilar.

🟡Tadbir davomida universitetda uzoq yillar samarali va fidokorona mehnat qilib kelayotgan bir guruh ishchi-xizmatchilar, turli tanlov va musobaqalarda g‘olib hamda sovrindor bo‘lgan sportchi-talabalar tantanali ravishda taqdirlandi. Shuningdek, ezgu niyatlar va samimiy duolar ila tayyorlangan sumalak bayram ishtirokchilariga ulashildi.

🟣Ko‘tarinki ruhda o‘tgan festivalda milliy qadriyatlarimizni aks ettiruvchi kuy-qo‘shiqlar, laparlar ijro etildi, sport o‘yinlari tashkil qilinib, ishtirokchilarga unutilmas taassurotlar baxsh etdi. Ayniqsa, kafedralar tomonidan tayyorlangan hududlarimizning urf-odat va an’analarini namoyon etuvchi ko‘rgazmalar, milliy taomlar, osh chempionati, raqslar hamda hunarmandchilik buyumlari namoyishi tadbirga alohida fayz bag‘ishladi.