Prezident qarorlari ijrosi hamda ijro intizomiga bag‘ishlangan yig‘ilish

Bugun O‘zbekiston davlat jismoniy tarbiya va sport universitetida oliygoh rektori Maxmudjon Boltabayev boshchiligida yig‘ilish bo‘lib o‘tdi.

Unda barcha prorektorlar, bo‘lim rahbarlari, fakultet dekanlari va ularning o‘rinbosarlari, kafedra mudirlari, professor-o‘qituvchilar va tyutorlar ishtirok etishdi.

Yig‘ilish davomida universitet rektori 2022-yil sarhisobi, jumladan erishilgan yutuqlar va yo‘l qo‘yilgan ba’zi kamchiliklarga batafsil to‘xtalib o‘tdi. Shuningdek, O‘zbekiston Respublikasi Prezidentning 2022-yil 3-noyabrdagi “Jismoniy tarbiya va sport sohasida kadrlarni tayyorlash hamda ilmiy tadqiqotlar tizimini yanada takomillashtirish chora-tadbirlari to‘g‘risida”gi Qarorida belgilangan ustuvor vazifalar va maqsadli ko‘rsatkichlar ijrosini ta’minlash, shu bilan birga, ijro intizomiga qat’iy ravishda amal qilishga alohida to‘xtalib o‘tdi. O‘z navbatida bir qator professor-o‘qituvchilar tomonidan ham fikr-mulohazalar, takliflar bildirildi.

Yig‘ilish yakunida esa universitet rahbari tomonidan mas’ullarga yuqoridagi masalalar yuzasidan tegishli topshiriq va vazifalar berildi.