“Jaholatga qarshi maʼrifat bilan kurashamiz”!

Bugun, 17-mart kuni Oʻzbekiston davlat jismoniy tarbiya va sport universitetida  “Jaholatga qarshi maʼrifat bilan kurashamiz” shiori ostida universitetning Yoshlar masalalari va ma’naviy-ma’rifiy ishlar bo‘yicha birinchi prorektori Sh. Mirzanov, O'zbekiston Respublikasi Din ishlari bo'yicha qo'mitasi mas'ul xodimi  Jahongir Meliqo'ziyev, Din ishlari bo‘yicha qo‘mitaning Chirchiq shahar bosh mutaxasisi Voxidjon Hamidov, Rektorning talabalar orasida ijtimoiy-maʼnaviy muhit barqarorligini taʼminlashga maʼsul bo‘lgan maslahatchisi G‘ulomjon Yavkachov,
 professor-oʻqituvchilar hamda talabalar ishtirokida maʼrifiy tadbir tashkil etildi.

✅ Tadbirda bugungi davr globallashuvining shiddatli tus olishi dunyo miqyosida gʻoyaviy-mafkuraviy tahdidlarning tobora avjiga chiqishiga zamin yaratayotgani, shuningdek,  dunyoviy va diniy bilimlar borasida sogʻlom dunyoqarashni sayozligi, sof diniy tushunchalarning asl mazmunini anglamaslik, bilmaslik insonlarni terrorizm girdobiga griftor etayotgani borasida fikrlar bildirildi.

✔️Oʻz navbatida, gʻoyaviy tahdidlar taʼsiridan yoshlarni asrash va ularda bunday illatlarga qarshi immunitet shakllanishida pedagoglarning oʻrni nihoyatda katta ekanligiga alohida urgʻu berildi.