❄️Milan va Kortina-d’Ampezzo shaharlarida bo‘lib o‘tadigan XXV Qishki Olimpiya o‘yinlariga start berildi. Musobaqa 2026 yil, 6-22 fevral kunlari aynan ushbu shaharlarda 16 ta sport turlari bo‘yicha bo‘lib o‘tadi.

#Milan_Cortina_2026

❄️ Milan va Kortina-d’Ampezzo shaharlarida bo‘lib o‘tadigan XXV Qishki Olimpiya o‘yinlariga start berildi. Musobaqa 2026 yil, 6-22 fevral kunlari aynan ushbu shaharlarda 16 ta sport turlari bo‘yicha bo‘lib o‘tadi.

🟢 Quvonarli tomoni shundaki, ushbu yirik musobaqada yurtimiz sharafini Short-trek va Tog‘-chang‘isi sport turlarida ikki nafar vakilimiz himoya qiladi.

✅ 14-fevral sanasida O‘zDJTSU, “Qishki va murakkab-texnik sport turlari nazariyasi va uslubiyati” kafedrasining “Tog‘-chang‘isi sporti” yo‘nalishi 4-bosqich TCH 01-22 guruh talabasi Nazarov Medet musobaqadagi ishtirokini boshlaydi. U musobaqa dasturidagi eng tomoshabop va texnik jihatdan murakkab yo‘nalishlardan biri bo‘lgan gigant slalom yo‘nalishida ishtirok etadi.

⏺ Shuningdek, 16-fevral sanasida Daniil Yeybog Short-trek sport turi bo‘yicha o‘z ishtirokini boshlaydi. U ushbu sport turidan bir qancha yo‘nalishlarda dunyoning eng yaxshi sportchilariga qarshi g‘oliblik uchun kurash olib boradi.

Ushbu Qishki Olimpiya o‘yinlariga Figurali uchish sport turi bo‘yicha yana ikki nafar universitetimiz talabalari hisoblangan Dmitriy Chigiryev hamda Yekaterina Geynishlar ham yo‘llanmani qo‘lga kiritgan. Ammo Dmitriy Chigiryevning mashg‘ulotlar davomida olgan jarohati tufayli, juftlik musobaqada ishtirok etmaydigan bo‘ldi.