Korrupsiya

Korrupsiya bilan ishlash bo`limi bilan bog`lanish

Korrupsiyaga  qarshi kurashish “Komplayens-nazorat”  tizimini boshqarish boʻlimi  toʻgʻrisida

Boʻlim oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, vazirlik buyruqlariga va Hayʼati qarorlariga, universitetning ichki buyruqlari, shuningdek boshqa qonun hujjatlariga amal qiladi.

Korrupsiyaga  qarshi kurashish “Komplayens-nazorat” tizimini boshqarish boʻlimi universitetning tarkibiy boʻlinmasi hisoblanadi. Boʻlimning faoliyati universitetda “Komplayens nazorat” tizimini boshqarish, shuningdek korrupsiyaga qarshi kurashish faoliyatini olib borishga yoʻnaltirilgan boʻlib, oʻz vakolatlari doirasida bevosita oliy taʼlim muassasasi rektoriga boʻysunadi, hamda O‘zbekiston Respublikasi turizm va sport vazirligi va O‘zbekiston Respublikasi oliy va oʻrta maxsus taʼlim vazirliklarining “Komplayens-nazorat” va korrupsiyaga qarshi kurashish boʻlimlariga hisobot beradi.

Boʻlim oʻz faoliyatini universitetning boshqa boʻlinmalari bilan oʻzaro hamkorlikda amalga oshiradi.

Boʻlim faoliyatini tashkil etish

Boʻlim oʻz faoliyatida sohaga doir qonun hujjatlari, tegishli vazirlik va idoralar buyruqlari, Hayʼat qarorlari va boʻlimning ish rejasi asosida amalga oshiradi.

Oliy taʼlim muassasasi Kengashi qarorlari, rektor buyruqlari va tender hujjatlari boʻlim bilan majburiy tartibda kelishiladi.

Boʻlimning ish rejasi oliy taʼlim muassasasi ish rejasi tarkibiy qismi hisoblanadi hamda universitet rektori tomonidan tasdiqlanadi.

Boʻlimning  vazifalari

Quyidagilar boʻlimning asosiy vazifalari hisoblanadi:

• Universitetda - korrupsiyaga oid huquqbuzarliklarni profilaktika qilish va ularga qarshi kurashish;
• “Korrupsiyasiz soha” loyihasini amalga oshirishga qaratilgan chora-tadbirlar ijrosini taʼminlash;
• korrupsiyaga qarshi kurash “Komplayens-nazorat” tizimini joriy etish va uni amalga oshirish;
• korrupsiyaga oid xavf-xatarlar yuqori boʻlgan yoʻnalishlar hamda korrupsiyaga oid huquqbuzarliklar sodir etilishining sabab va shart-sharoitlarini aniqlash;
• korrupsiya koʻrinishlari namoyon boʻlishiga olib keladigan tizimli muammolar va ularni bartaraf etish boʻyicha tegishli takliflarni kiritgan holda axborot berib borish;
• korrupsiyaga oid huquqbuzarliklarning sabab va shart-sharoitlarini bartaraf etish hamda korrupsiyaga qarshi kurashish choralarining samaradorligini oshirishga qaratilgan dasturlar ijrosini taʼminlash;
• korrupsiyaga qarshi kurashishga yunaltirilgan jamoatchilik nazoratini muvofiqlashtirib borish, shuningdek zamonaviy usullar va axborot-kommunikatsiya texnologiyalari asosida korrupsiyaga qarshi monitoring olib borish;
• universitetda korrupsiyaning holati, tendensiyalari va sabablari hamda korrupsiyaga qarshi choralar koʻrishning samaradorligi yuzasidan sotsiologik, ilmiy va boshqa tadqiqotlarni tashkil etish va takliflar ishlab chiqishdan iborat.

Boʻlimning  funksiyalari

Boʻlim oʻziga yuklangan vazifalarni bajarish uchun quyidagi funksiyalarni amalga oshiradi:

• universitetda korrupsiyaga qarshi kurashishga oid qonunlar va qonunosti hujjatlar, shuningdek, Vazirlik Hayʼati qarorlari va universitet rektori buyruqlariga rioya etilishi ustidan nazorat olib boradi;
• korrupsiyaga oid huquqbuzarliklarning oldini olishga qaratilgan chora-tadbirlar va ish rejalarini ishlab chiqadi, ularning toʻliq, sifatli va oʻz vaqtida ijro etilishini taʼminlaydi, belgilangan chora-tadbirlarning amalga oshirilishi ahvolini oʻrganadi, natijalari boʻyicha maʼlumotlar tayyorlaydi;
• universitetda “Korrupsiyasiz soha” loyihasini amalga oshiradi;
• universitetda korrupsiyaga qarshi kurashish boʻyicha chora- tadbirlarni amalga oshirishga qaratilgan ichki hujjatlar loyihalarini ishlab chiqadi va tasdiqlash uchun rektorga kiritadi;
• universitetning ichki hujjatlarida aniqlangan korrupsiyaviy normalarni bartaraf qilish boʻyicha takliflar ishlab chiqadi;
• universitetda korrupsiyaviy xavf-xatarlarni baholaydi va ularni kamaytirish yuzasidan chora-tadbirlar rejalarini ishlab chiqadi;
• universitetning professor-oʻqituvchilari, boshqaruv, texnik, xizmat koʻrsatuvchi va oʻquv-yordamchi xodimlarining xatti-harakatlaridagi korrupsiyaviy xavf-xatarlar va huquqbuzarliklar haqida kelib tushadigan murojaatlar va anonim xabarlarni koʻrib chiqadi hamda oʻrnatilgan tartibda choralar koʻradi;
• universitetda korrupsiya faktlariga doir xizmat tekshiruvlarini reyestrini yuritib boradi;
• davlat xaridlarini amalga oshirishda, manfaatlar toʻqnashuvini tahlil qilishda va kontragentlarning ishonchliligini tekshirishda ishtirok etadi;
• universitet xodimlari oʻrtasida manfaatlar toʻqnashuvi monitoringini yuritadi va tegishli takliflar kiritadi;
• universitetning professor-oʻqituvchilari, boshqaruv, texnik, xizmat koʻrsatuvchi, oʻquv-yordamchi xodimlari oʻrtasida muntazam ravishda profilaktik suhbatlar tashkil etib boradi;
• universitet faoliyatida korrupsiyaviy holatlarni aniqlash maqsadida professor-oʻqituvchilar, boshqaruv, texnik, xizmat koʻrsatuvchi, oʻquv-yordamchi xodimlar, talabalar (magistrantlar, doktorantlar, mustaqil izlanuvchilar) va aholi oʻrtasida soʻrovlar oʻtkazadi;
• soʻrovlar, ijtimoiy va boshqa tadqiqotlar asosida korrupsiyaga qarshi kurashish targʻiboti boʻyicha chora-tadbirlar natijalari va taʼsirini muntazam ravishda baholab boradi hamda keyingi chora-tadbirlarni belgilashda baholash natijalaridan foydalanadi;
• professor-oʻqituvchilar, talaba-yoshlar oʻrtasida korrupsiyaga qarshi kurashishga qaratilgan konferensiyalar, uchrashuvlar, seminarlar, tanlovlar tashkil etadi;
• universitetda korrupsiyaga qarshi kurashish sohasida qabul qilinayotgan chora-tadbirlarning samaradorligini baholaydi;
• universitetda korrupsiyaga oid huquqbuzarliklar sodir etilishining shart-sharoitlari va sabablarini oʻrganadi, shuningdek ularni bartaraf etish boʻyicha takliflarni ishlab chiqadi;
• universitetning rasmiy veb-saytida “Korrupsiyaga qarshi kurashish” boʻlimidagi maʼlumotlarni muntazam ravishda yangilab borilishini taʼminlaydi;
• har chorakda va zaruratga koʻra korrupsiyaga qarshi kurashish boʻyicha amalga oshirilgan ishlar hamda universitetdagi korrupsiyaviy vaziyat haqida rektorga hamda vazirliklarning korrupsiyaga qarshi kurashish va “Komplayens-nazorat” boʻlimiga hisobot beradi;
• universitetning “Komplayens-nazorat” va korrupsiyaga qarshi kurashish boʻlimi hamda korrupsiyaga qarshi kurashish boʻyicha faoliyatni amalga oshiruvchi boshqa davlat organlari va tashkilotlari, ota-onalar bilan korrupsiyaga qarshi kurashish sohasida samarali hamkorlikni yoʻlga qoʻyadi.

KORRUPSIYAGA QARSHI KURASHISH "KOMPLAYENS-NAZORAT" TIZIMINI BOSHQARISH BO'LIMI BOSHLIG'I

RISBOYEV SOXIB SHAYXZODAYEVICH

Telefon: +998 (91) 777-71-31

KORRUPSIYAGA QARSHI KURASHISH "KOMPLAYENS-NAZORAT" TIZIMINI BOSHQARISH BO'LIMI BOSH MUTAXASSISI

Ashirmetova Zulayho Dexkonbayevna

Telefon: +998 (93) 529-85-30

E-mail: zasirmetova@gmail.com