Ilmiy tatqiqot inistituti

O‘zbekiston davlat jismoniy tarbiya va sport universiteti huzuridagi Jismoniy tarbiya va sport ilmiy tadqiqotlar instituti haqida

QISQACHA MA’LUMOT

Jismoniy tarbiya va sport sohasida xalqaro standartlarga muvofiq kompleks bilimlarga ega malakali kadrlar tayyorlash sifatini yaxshilash, sportda ilm-fanni jadal rivojlantirish, yuqori malakali raqobatbardosh trener-o‘qituvchilar, mutaxassislar hamda ilmiy xodimlarni tayyorlash jarayonlarini yanada takomillashtirish maqsadida O‘zbekiston Respublikasi Prezidentining 2020 yil 3 noyabrdagi “Jismoniy tarbiya va sport sohasida kadrlar tayyorlash tizimini takomillashtirish va ilmiy salohiyatni oshirish chora-tadbirlari to‘g‘risi”dagi PQ-4877-sonli Qarori qabul qilindi.

Ilmiy tadqiqotlar instituti davlat muassasasi shaklidagi yuridik shaxs hisobladi.

Qarorga asosan Ilmiy tadqiqotlar instituti 2021 yil 1 yanvardan o‘z faoliyatini boshladi.

Ilmiy tadqiqotlar institutining asosiy vazifalari quyidagilardan iborat:

jismoniy tarbiya va sport sohasining nazariy va ilmiy metodologik asoslarini yaratish;

jismoniy tarbiya va sport sohasida fundamental ilmiy-tadqiqot ishlarini olib borish, shuningdek xalqaro hamda mahalliy ilmiy va amaliy grant loyihalarini jalb etish;

yuqori malakali sportchilarning o‘quv mashg‘ulot yig‘inlarini o‘tkazish davrida kompleks ilmiy-tadqiqotlarni tashkil etish va innovatsion texnologiyalarni keng qo‘llash yuzasidan zarur tavsiyalar ishlab chiqish;

sport turlari bo‘yicha terma jamoalarni xalqaro musobaqalarga tayyorlashda ilmiy-metodik jihatdan ko‘maklashish;

sport psixologiyasi, dietologiyasi, reabilitatsiyasi va tibbiyoti bo‘yicha ilmiy-uslubiy tavsiyanomalar, o‘quv-qo‘llanmalar, darsliklarni nashrga tayyorlash va chop etish;

aholi o‘rtasida ommaviy sportni rivojlantirish va sog‘lom turmush tarzini keng targ‘ib qilish maqsadida yosh xususiyatlarini hisobga olgan holda samarali, ilmiy asoslangan vositalar va uslublarni ishlab chiqish;

sportchilarning funksional, biokimyoviy, psixodiagnostika, biomexanik ish qobiliyatini diagnostika qilish va korreksiyalash tizimini yo‘lga qo‘yish;

seleksiya ishlarini samarali tashkil etish maqsadida trener-seleksioner va mutaxassislarga metodik yordam berish;

aholining jismoniy tayyorgarligi holati natijalarini monitoring qilish va korreksiyalash bo‘yicha ilmiy-uslubiy tavsiyalar berish;

tadqiqot ishlarini samarali tashkil etish maqsadida xorijdan yuqori malakali mutaxassislarni jalb etish;

respublikadagi ta’limning barcha turlari (maktabgacha, umumiy o‘rta, professional va oliy ta’lim, shuningdek maktabdan tashqari, sport ta’limi) uchun jismoniy tarbiya va sport sohasi bo‘yicha ta’lim standartlari va fan dasturlari, darsliklar va o‘quv qo‘llanmalar, shu jumladan audio, video va elektron darsliklar, onlayn darslar hamda boshqa turdagi ilmiy-metodik materiallar tayyorlash.

2020 yil 1 dekabrdan boshlab Universitet respublikadagi barcha jismoniy tarbiya va sport sohasidagi davlat tashkilotlari hamda sport federatsiyalari (uyushmalari) faoliyati ustidan o‘quv va ilmiy-uslubiy rahbarlikni amalga oshiradi. Mazkur ishlarni amalga oshirishda ham Ilmiy tadqiqot instituti asosiy o‘rin tutadi.

Bugungi kun holatiga ko‘ra quyidagi ishlar amalga oshirildi:

1. Shu kungacha Rossiya, Belarus Respublikasi, Xitoy, Yaponiya, Germaniya va boshqa yetakchi xorijiy davlatlarning ushbu sohadagi tajribasi va u yerda faoliyat olib borayotgan olimlar faoliyati atroflicha o‘rganib chiqildi.

(Jismoniya tarbiya va sport sohasida ilmiy tadqiqotlar masalasi bo‘yicha ko‘p yillik tajribaga ega professor Shiyan Viktor Vladimirovich bilan shartnoma imzolandi)

2. Ilmiy tadqiqot instituti tarkibi shakllantirilib, unda laboratoriya mudiri lavozimiga asosan ilmiy daraja va ilmiy unvonga ega xodimlar jalb etildi.

Koshbaxtiev Ildar Axmedovich p.f.d. doktori, professor;

Allamuratov Shuhrat Inoyatovich b.f.d. doktori professor;

Salomov Rahmatullo Salomovich p.f.d. doktori professor;

Davletmurodov Sulton Rahmatullaevich PhD.dotsent;

Ummatov Akrom PhD;

Ishtaev Javlon Mavlonboevich PhD dotsent.

3. “Jismoniy tarbiya va sport” nashriyoti faoliyatini yo‘lga qo‘yildi.

4. “Sportda ilmiy tadqiqotlar” ilmiy-nazariy jurnalini ta’sis etish bo‘yicha zarur choralar ko‘rilmoqda. Ayni paytda jurnalni ro‘yxatdan o‘tkazish ishlari olib borilmoqda.

5. Qator vazirlik va idoralar bilan o‘zaro hamkorlik qilish bo‘yicha anglashuv memorandumlari imzolanmoqda.

- Maktabgacha ta’lim vazirligi;

- Xalq ta’limi vazirligi;

- Oliy va o‘rta ma’sus ta’lim vazirligi;

- “Mahalla va oila” ilmiy tadqiqot instituti;

- O‘zbekiston kasaba uyushmalari federatsiyasi;

- O‘zbekiston voleybol federatsiyasi;

- O‘zbekiston futbol Assotsiatsiyasi;

- O‘zbekiston kurash federatsiyasi.

6. Bugungi kundagi dolzarb mavzular bo‘yicha ilmiy-amaliy grant loyihalari jalb etilmoqda.

- O‘zDJTSU huzuridagi JTSITI hamda Saudia Arabistoni bilan xamkorlikda “Rationing criteria of aerobic capabilities evolution and special endurance of highly qualified judoka in the system of staging control”;

- “Layoqatli sportchilarni tanlab olishda genetik, fiziologik va biokimyoviy ko‘rsatkichlarga asoslangan innovatsion usullarni ishlab chiqish”;

- 

- 

7. Institut huzurida Ilmiy darajalar beruvchi ilmiy Kengash tashkil etish bo‘yicha Oliy attestatsiya komissiyasiga murojaat etilgan.