Bugun 28-noyabr kuni O'zbekiston davlat jismoniy tarbiya va sport universitetining navbatdagi Kengash yig'ilishi bo'lib o'tdi.

Kengash yig'ilishi avvalida universitetda uzoq yillar mobaynida fidoiylik bilan samarali mehnat qilib kelgan Tibbiy-biologik fanlar kafedrasi mudiri, biologiya  fanlari  nomzodi,  professor Dilbar Safarovaning tabarruk 80-yoshni qarshilagani munosabati  Sport vazirligi tomonidan e'tirof etilib, "Jismoniy tarbiya va sport a'lochisi" ko'krak nishoni bilan taqdirlandi. Shuningdek, universitet Kasaba uyushmasining sovg'alari topshirildi.

 Shundan so‘ng universitet rektori R.Matkarimov 2025-yil noyabr oyi mobaynida davlatimiz rahbari tomonidan o‘tkazilgan videoselektor yig‘ilishlari va xalqaro hamkorlik yo‘nalishida olib borilayotgan tarixiy jarayonlar va ularning ahamiyati borasida  o‘z mulohazalarini bildirib o‘tdi. 

✔️Kengash yig‘ilishida kun tartibidagi masalalar — sohaga oid normativ-huquqiy hujjatlar ijrosi, Korrupsiyaga qarshi kurashish, 2025-yil nashr rejasi bajarilishi,  universitetda jinoyatchilik va huquqbuzarliklarning oldini olish bo‘yicha amalga oshirilayotgan ishlar va boshqa shu kabi masalalar atroflicha ko‘rib chiqilib, Kengash tomonidan tegishli qarorlar qabul qilindi.