🏆Universitetda o‘quv yiliga tayyorgarlik holati o‘rganildi

#jarayon

✅2024-yil 27-avgust kuni O‘zbekiston davlat jismoniy tarbiya va sport universitetida O‘zbekiston Respublikasi Oliy ta’lim, fan va innovatsiyalar vazirligi tomonidan tashkil etilgan ishchi guruh a’zolari universitetda 2024-2025 o‘quv yiliga tayyorgarlik holatlarini o‘rganishdi.

📌O‘rganishlar davomida ishchi guruh tomonidan universitetda ta’lim jarayonini o‘quv rejadagi fanlar bo‘yicha tasdiqlangan dars jadvallari asosida yo‘lga qo‘yilishi, “Birinchi kurs maktabi”ni samarali tashkil etish, axborot resurs markazi bazasi, o‘quv binolari, auditoriyalar, talabalar turar joyi va sport inshootlarini yangi o‘quv yiliga tayyor holatga keltirish yuzasidan amalga oshirilgan ishlar bilan yaqindan tanishdi.

Yakunda mas’ullarga yuqoridagi o‘rganishlarda aniqlangan kamchiliklar yuzasidan tegishli ko‘rsatmalar berildi.

💡Eslatib o‘tamiz, oliy ta’lim muassasalarida 2024-2025 o‘quv yili 2024-yil 9-sentabrdan boshlanadi.