Buyuk jasorat timsollari!

Bugun O‘zbekiston davlat jismoniy tarbiya va sport universitetida Respublika Ma’naviyat va ma’rifat markazi bilan hamkorlikda “Buyuk jasorat timsollari” mavzusida ma’naviy-ma’rifiy, badiiy-musiqiy tadbir bo‘lib o‘tdi.

Unda Respublika Ma’naviyat va ma’rifat markazi mutaxassislari va markazning Chirchiq shahar bo‘linmasi vakillari, universitet Yoshlar masalalari va ma’naviy-ma’rifiy ishlar bo‘yicha birinchi prorektor Sh.Mirzanov, professor-o‘qituvchilar hamda talaba-yoshlar ishtirok etishdi.

Tadbir davomida mutaxassislar tomonidan ajdodlarimizining betakror va noyob ilmiy-ma'naviy merosi, shuningdek Vatan ozodligi yoʻlida jonini fido qilgan dovyurak sarkardalar Jaloliddin Manguberdi, Amir Temur hamda kuragi yerga tegmagan Paxlavon Maxmud kabi haqiqiy jasorat egalari haqida so‘z bordi. Eng ahamiyatlisi, tadbirning badiiy qismidan o‘rin olgan talaba-yoshlar va o‘quvchilar ijrosidagi kuy-qo‘shiqlar-u, jozibador raqslar guldastasi barchaga xush kayfiyat ulashdi.

Yakunda esa bir guruh tadbir tashkilotchilariga universitet rahbariyati tomonidan tashakkurnomalar topshirildi. O‘z o‘rnida, Respublika Ma’naviyat va ma’rifat markazi vakillari ham oliygoh kututbxonasiga kitoblar jamlanmasini sovg‘a qildi.