O‘zDJTSU: barcha talaba-yoshlarni birlashtirgan Gimnastrada musabaqasi va murosasiz kechgan bahslar!

Bugun O‘zbekiston davlat jismoniy tarbiya va sport universitetida Sportni boshqarish va turizm fakultetining Gimnastika nazariyasi va uslubiyati kafedrasi tashabbusi bilan “Assalom bahor” shiori ostida gimnastrada bo‘yicha O‘zDJTSU hamda Nizomiy nomidagi Toshkent davlat pedagogika universiteti talaba-yoshlari o‘rtasida musobaqa o‘tkazildi.

Unda universitetning Yoshlar masalalari va ma’naviy-marifiy ishlar bo‘yicha birinchi prorektori N.Dusanov, Sportni boshqarish va turizma fakulteti dekani A.Tillyaxodjayev, kafedra mudirlari, dekan o‘rinbosarlari, professor-o‘qituvchilar hamda talabalar ishtirok etishdi.

Musobaqa dastlab birinchi prorektor N.Dusanovning kirish so‘zi bilan boshlandi va barcha ishtirokchilarga omad yor bo‘lishini tilab qoldi. Shundan so‘ng go‘zallik, nafosat timsoli deya ta’rif beriluvchi gimnastika sport turi bo‘yicha ikki oliy ta’lim muassasalari talabalari o‘rtasida o‘zaro bahslar boshlandi. Qayd etish kerakki, musobaqa ishtirokchilarining har biri o‘zlaridagi bor iqtidorni namoyon eta oldilar.

Yakunda esa g‘oliblikni qo‘lga kiritgan talabalarga diplom hamda esdalik sovg‘alari topshirildi.