“Men nechun sevaman O‘zbekistonni” ko‘rik tanlovi: qizg‘in bahslar va o‘ziga xos ijodiy chiqishlar!

Bugun O‘zbekiston davlat jismoniy tarbiya va sport universitetida talaba-yoshlar qalbida vatanparvarlik va mamlakat taraqqiyoti yo‘lida amalga oshirilayotgan islohotlarga daxldorlik hissini uyg‘otish, ularning notiqlik san’ati bo‘yicha bilim va ko‘nikmalarini rivojlantirish, shuningdek, iste’dodli yoshlarni qo‘llab-quvvatlash maqsadida “Men nechun sevaman, O‘zbekistonni” shiori ostidagi tanlovning universitet bosqichi o‘tkazildi.

Unda Chirchiq shahar MFY faollari, harbiylar, universitet rahbar xodimlari, professor-o‘qituvchilar va talabalar ishtirok etishdi.

Tanlov ishtiorkchilari “Men Vatan ravnaqini qanday tasavvur etaman?” va “Mening oliy maqsadim” deb nomlangan ikki shart asosida o‘zaro bellashdilar. Shuni alohida ta’kidlash kerakki, har bir ishtirokchi mazkur shartlarni o‘ziga xos sahna ko‘rinishlari, ijodiy namuna hamda videoroliklar asosida izohlab berishdi. Ularni esa odillik bilan hakamlar hay’ati azolari baholab bordi.

Qizg‘in va munozaralarga boy tarzda o‘tgan tanlovning yakuniy natijalariga ko‘ra:

1-o‘rinni: Kamola Po‘latova – Yakkakurash sport turlari fakulteti talabasi;

2-o‘rinni: Gulmira Karimova – Sport o‘yinlari fakulteti magistranti;

3-o‘rinni: Amirbek Xayriddinov – Tibbiyot fakultet talabasi qo‘lga kiritdi.

Tanlov g‘oliblariga universitet talabalarini rag‘batlantirish jamg‘armasi tomonidan pul mukofotlari, tashakkurnoma va esdalik sovg‘alari topshirildi.