🏆O‘zDJTSUda tegishli soha vakillari ishtirokida “Fuqaro muhofazasi kuni” nomli o‘quv mashg‘ulot tashkil etildi

🔽Ma’lumki, joriy yilning 5-11-may kunlari respublikamizning barcha hududlari bo‘ylab seysmik xavfsizlikni ta'minlash, aholini zilzilada harakat qilish bo'yicha bilim va ko'nikmalarini oshirish maqsadida "Aholini zilzilaga tayyorlash haftaligi" o‘tkazilmoqda.

✔️Mazkur haftalik munosabati bilan, 2025-yil 6-may sanasida O‘zbekiston davlat jismoniy tarbiya va sport universitetida oliygohning Fuqaro muhofazasi  bo‘limi tomonidan Favqulodda vaziyatlar vazirligi bilan hamkorlikda “Fuqaro muhofazasi kuni” o‘quv  mashg‘uloti o‘tkazildi.

➡️Universitet mas’ullari, professor-o‘qituvchilar, tyutorlar va talabalar ishtirok etgan ushbu tadbirda soha mutaxassislari tomonidan favqulodda vaziyatlar, jumladan yong‘in hamda turli darajadagi yer silkinishlari sodir bo‘lgan vaqtda harakatlanish tartib-qoidalari haqida ma’lumotlar berilib,  mazkur jarayonlar ko‘rgazmali chiqishlar yordamida ko‘rsatib o‘tildi.