OʻzDJTSU: xalqaro aloqalar maydoni kengaymoqda…

#tashrif

2024-yil 26-aprel kuni Universitetga Xitoyning Wuhan sport universiteti tarkibidagi Henan provensiyasi Xalqaro aloqalari boʻyicha direktori Li Ya xonim tashrif buyurdi.

Faxriy mehmon universitet Ilmiy ishlar va innovatsiyalar boʻyicha prorektori Bahrom Musayev boshchiligidagi professor-oʻqituvchilar tomonidan kutib olindi hamda ular oʻrtasida uchrashuv boʻlib oʻtdi.

Uchrashuvda dastlab, ikki universitet faoliyati haqida umumiy maʼlumotlar berildi. Shundan soʻng tomonlar kelgusida jismoniy tarbiya va sport sohasida xalqaro aloqalarni yoʻlga qoʻyish orqali talabalar, professor-oʻqituvchilar almashinuvi va qoʻshma dasturlarni tashkil etish yuzasida takliflar bildirishdi.

Tashrif soʻngida faxriy mehmonlar oliygohdagi Qishki sport turlari boʻyicha simuliyatsiya markazi, Anatomiya va fiziologiya laboratoriyasidagi innovatsion texnologilar hamda talablar uchun yaratilgan sharoitlar bilan tanishishdi.