🧑‍🎓Talabalar amaliyotini xorij tajribasi asosida tashkil qilish yuzasidan hamkorlik aloqalari oʻrnatildi

#HAMKORLIK

📍Bugun Oʻzbekiston davlat jismoniy tarbiya va sport universitetining Futbol nazariyasi va uslubiyati kafedrasi professor-oʻqituvchilari Shavkat Abidov,  Bobur Bobomurodov hamda Rustam Xamdamovlar Toshkent viloyatining Bekobod shahrida joylashgan “El Golazo Academy by Madrid Foundation” futbol akademiyasida boʻlishdi.

 
✅Dastlab kafedra masʼullari akademiya tarbiyalanuvchilarining yashash sharoiti bilan tanishdi. Shundan soʻng akademiya vakillari va kafedra professor-oʻqituvchilari oʻrtasida uchrashuv oʻtkazilib, oliygohning futbol ixtisosligida tahsil olayotgan talabalar amaliyotini xorij tajribasi asosida tashkil qilish maqsadida “El Golazo Academy by Madrid Foundation” futbol akademiyasi bilan hamkorlik aloqalari oʻrnatildi.

📍Yakunda hamkorlik doirasida kelgusida amalga oshiriladigan chora-tadbirlar rejasi belgilab olindi.