O‘zDJTSU: Qozog‘iston delegatsiyasining tashrifi va kelgusidagi xalqaro hamkorlik taklifi!

Kuni kecha O‘zbekiston davlat jismoniy tarbiya va sport universitetiga M.Avezov nomidagi Janubiy Qozog‘iston davlat universiteti birinchi prorektori Kayrat Nurmanbetov, Innovatsion taʼlim texnologiyalari instituti direktori Baurjan Yelikbayev hamda “Iqtisodiy, yuridik va qishloq xo‘jaligi mutaxassisliklari uchun jismoniy madaniyat” kafedrasi mudiri Ispadiyar Mustafayevlardan iborat delegatsiya tashrif buyurdi.

Tashrif davomida delegatsiya vakillari universitetning Ilmiy ishlar va innovatsiyalar bo‘yicha prorektori B.Musayev boshchiligidagi rahbariyat jamoasi hamrohligida oliygohda professor-o‘qituvchilar va talaba-yoshlar uchun yaratilgan sharoitlar, o‘quv hamda sport mashg‘ulotlari bilan yaqindan tanishishdi, Shuningdek, ular ishtirokida kechgan uchrashuvda ikki oliy taʼlim muassasasi o‘rtasida jismoniy tarbiya va sport sohasi bo‘yicha xalqaro hamkorlikni yo‘lga qo‘yish yuzasidan takliflar bildirildi.