Oliygoh talabalari bilan samimiy ruhda kechgan ochiq muloqot!

Bugun O‘zbekiston davlat jismoniy tarbiya va sport universitetining 3-sonli Talabalar turar joyida qishki ta’tildan qaytgan Yakkakurash sport turlari va Kurash fakulteti talaba-yoshlari bilan samimiy ruhda ochiq muloqot bo‘lib o‘tdi.

Unda universitet Yoshlar masalalari va ma’naviy-ma’rifiy ishlar bo‘yicha birinchi prorektori N.Dusanov, Moliya-iqtisod ishlari bo‘yicha prorektor I.Ibragimov, Rektorning talabalar orasida ijtimoiy-maʼnaviy muhit barqarorligini taʼminlashga maʼsul bo‘lgan maslahatchisi U.To‘raqulov, tarbiyachi-pedagog G.Ro‘ziyev, psixolog J.Ashirova, oliygoh profilaktika inspektori N.Agabekov va fakultet tyutorlar ishtirok etishdi.

Suhbat jarayonida, avvalo, hozirgi noqulay ob-havo shaoritida elektr energiyasi va tabiiy gazdan to‘g‘ri foydalanish, turli noxush vaziyatlar yuz bermasligining oldini olish maqsadida ehtiyot choralarini ko‘rish kabi muhim masalalar borasida so‘z yuritildi. Shuningdek, talabalarning to‘lov-shartnomalarini vaqtdida amalga oshirishlari hamda oliygoh va turar joydagi mavjud ichki-tartib qoidalarga doimiy ravishda rioyа qilishlari zarurligi alohida ta’kidlandi. O'z navbatida talaba-yoshlar ham mas'ullarga bir qancha savollar bilan murojaat qilib ularga atroflicha javob oldilar.

Yakunda esa universitet psixologi J.Ashirova hamda talabalar bilan tanishuv jarayoni bo‘lib, o‘ziga xos psixologik suhbatlar olib borildi.