“Yoshlar – yuqori marralar” platformasi amalda

Bugun O‘zbekiston davlat jismoniy tarbiya va sport universitet madaniyat saroyida “Tashabbusli byudjetlashtirish jarayoni hamda “Yoshlar – yuqori marralar” platformasi doirasidagi tadbirlarda talabalar faolligini oshirish” mavzusida amaliy seminar Bo‘lib o‘tdi.

Seminarda O‘zbekiston Respublikasi Moliya organlari hamda byudjet tashkilotlarining moliya-hisob bo‘linmalari xodimlarini tayyorlash va qayta tayyorlash O‘quv markazi direktori Iroda Xamidova, bosh mutaxassisi Bahodir Ilhomov, O‘zbekiston Respublikasi Moliya vazirligi Davlat byudjeti departamenti bosh mutaxassisi Xabiba Xamdamova universitetning “Sport menejmenti va iqtisodiyoti” kafedrasi talabalari, magistrant hamda professor-o‘qituvchilari ishtirok etdi.

Mazkur tadbirni o‘tkazishdan maqsad, moliya sohasidagi islohotlarni, xususan, tashabbusli byudjetlashtirishning mazmun-mohiyati va uning amalga oshirish mexanizmini yoshlar, ayniqsa oliy taʼlim muassasalarining iqtisod va moliya yo‘nalishida tahsil olayotgan talabalar o‘rtasida yoritish orqali ularni tashabbusli byudjetlashtirish jarayoniga keng jalb etishdir.

Seminar-treningda talabalar turli savollar yo‘llash bilan birga, o‘z fikr-mulohazalarini ham bildirib faol ishtirok etdilar.