Ilmiy-amaliy seminar tashkil etildi

2021 yilning 13-yanvar kuni Ko‘pkurash sport turlari fakulteti dekani O.Dadabayev va fakultet tyutori N.Bektemirovlar Toshkent viloyatida joylashgan “Suv sporti bo‘yicha Respublika oliy sport mahorati maktabi”ga tashrif buyurishdi.

Mazkur tashrifdan asosiy maqsad sport maktabi bazasida sportning baydarka va kanoeda eshkak eshish, akademik eshkak eshish turlari bo‘yicha shug‘ullanayotgan fakultet talabalarining yashash sharoitlari bilan tanishish, musobaqalarga tayorgarlik jarayonini o‘rganishdan iborat edi.

Shuningdek, tashrif davomida O.Dadabayev tomonidan “Baydarka va kanoeda eshkak eshish, akademik eshkak eshish bo‘yicha terma jamoa aʼzolarini ilmiy-metodik taʼminlash” mavzusida ilmiy-amaliy seminar tashkil etildi. Seminarda terma jamoa bosh murabbiylari, federatsiya vakillari, Suv sporti, eshkak eshish turlari nazariyasi va uslubiyati kafedrasi professori V.Korbut, dotsent R.Israilova va sportchilar qatnashdi.

Seminarda O‘zbekiston Respublikasi Prezidentining 2021 yil 5 noyabrdagi  “2024 yil Parij shahrida (Fransiya) bo‘lib o‘tadigan XXXIII yozgi olimpiya va XVII paralimpiya o‘yinlariga O‘zbekiston sportchilarini kompleks tayyorlash to‘g‘risida”gi PQ-5281-son Qarori va unda federatsiyalarga yuklatilgan topshiriqlar bo‘yicha masalalar muhokama qilindi. Seminar yakunida taqdimotchi O. Dadabayev seminar ishtirokchilari tomonidan berilgan savollarga javob berdi va Parij olimpiadasiga sifatli tayyorgarlik ko‘rish uchun yangi metodikalar ishlab chiqish, federatsiya amaliyotiga Kompleks ilmiy guruh (KIG) tashkil etishning zaruriyati, buning uchun terma jamoalarga farmakolog, diyetolog, biomexanik, sport tibbiyoti xodimlarini keng jalb qilish kerakligi bo‘yicha o‘zining fikrlarini bayon qildi.