Mahallamning faol tadbirkori va innovatsion tafakkur

#uchrashuv

Bugun, 22-may kuni universitetda ana shu mavzuda tegishli soha vakillari ishtirokida sport menejmenti va boks ixtisosligi talabalari bilan uchrashuv bo‘lib o‘tdi.

Unda Chirchiq shahar savdo-sanoat palatasi bo‘limi boshlig‘i Mansurbek Mirzabekov, Ipoteka banki Chirchiq filiali bosh mutaxassisi Aziz Agzamov, universitetning Menejment va sport tadbirlarini tashkil etish kafedrasi mudiri Komil Ziyadullayev, “Indigo” xususiy ishlab chiqarish korxonasi rahbari Begzod Shonazarov hamda professor-o‘qituvchilar qatnashdi.

Uchrashuvda mutaxassislar, hozirda yurtimizda yosh tadbirkorlar uchun yaratilayotgan imkoniyatlar, yangi loyihalarni amaliyotga tatbiq etish va moliyalashtirishga ko‘maklashish shuningdek, tadbirkorlik faoliyati uchun ajratiladigan imtiyozli kredit va ularni olish tartibi, muddatlari to‘g‘risida so‘z yuritdi hamda talaba-yoshlar uchun biznes rejalar ishlab chiqish bo‘yicha kerakli tavsiyalar berildi.