🏆Universitet talaba-qizlari ishtirokida “Pazandachilik kuni” tashkil etildi

#UNIVERSITET_HAYOTIDAN

🥙Bugun 27-aprel oliygoh talaba-qizlarining boʻsh vaqtini unumli tashkil etish, qizlarni oilaga tayyorlash, pazandachilik sirlarini oʻrgatish shuningdek, ularga jamoada hamjihatlikda ishlash, doʻstlik, oʻzaro yordam koʻrsatish kabi ezgu fazilatlarni singdirish maqsadida talabalar turar joyida talaba-qizlar ishtirokida “Pazandachilik kuni” tashkil etildi. 

👩‍🍳Unda pazanda qizlar jamoalarga boʻlingan holda,  oʻzbek xalqi sevib isteʼmol qiladigan non, shirinliklardan holvaytar va qatlama tayyorlash boʻyicha oʻzaro bellashdilar. 

✅Jarayonni universitetning Xotin-qizlar masalalari boʻyicha rektor maslahatchisi Shirin Aliyeva boshchiligidagi Xotin-qizlar bilan ishlash boʻlimi bosh mutaxassisi, Yoshlar bilan ishlash, maʼnaviyat va maʼrifat boʻlimi uslubchilari, jonkuyar tyutorlar hamda tarbiyachi pedagoglar kuzatib bordi.

👌Yakunda masʼullar talaba-qizlarning pazandachilik mahoratlarini baholab, ularga pazandachilik borasida o‘z maslahatlarini berib oʻtdilar.