Jaholatga qarshi maʼrifat bilan javob qaytarmoq zarur!

#maʼrifiy_tadbir

Bugun Oʻzbekiston davlat jismoniy tarbiya va sport universitetida  “Jaholatga qarshi maʼrifat” shiori ostida Vazirlar Mahkamasi huzuridagi Din ishlari boʻyicha qoʻmita xodimi Jahongir Meliqoʻziyev, universitet birinchi prorektori Sherzod Mirzanov, kafedra mudirlari hamda professor-oʻqituvchilar ishtirokida maʼrifiy tadbir tashkil etildi.

Tadbirda bugungi davr globallashuvining shiddatli tus olishi dunyo miqyosida gʻoyaviy-mafkuraviy tahdidlarning tobora avjiga chiqishiga zamin yaratayotgani, shuningdek,  dunyoviy va diniy bilimlar borasida sogʻlom dunyoqarashni sayozligi, sof diniy tushunchalarning asl mazmunini anglamaslik, bilmaslik insonlarni terrorizm girdobiga griftor etayotgani borasida fikrlar bildirildi.

Oʻz navbatida, gʻoyaviy tahdidlar taʼsiridan yoshlarni asrash va ularda bunday illatlarga qarshi immunitet shakllanishida pedagoglarining oʻrni nihoyatda katta ekanligiga alohida urgʻu berildi.