🏆Universitet talabalari “Ma’rifat maydoni” tanlovi sovrindoriga aylanishdi!

#ma’rifat_maydoni 

📚Joriy yilning 3-aprel kuni O‘zbekiston davlat konservatoriyasida Oliy taʼlim muassasalari talaba-yoshlari oʻrtasida har yili an’anaviy tarzda o‘tkazib kelinayotgan “Ma’rifat maydoni” Respublika tanlovining hududiy bosqichi bo‘lib o‘tdi. 

✅Talabalar o'rtasida atoqli adiblar va mutafakkirlarimiz ijodiy merosini keng targ'ib qilish maqsadida tashkil etilgan tanlov: "Adib hayoti", "Tezkor savol-javob", “Adiblar hayoti va ijodidan teatrlashtirilgan kompozitsiya” shartlari asosida o‘tkazildi.

🌟Eng quvonarlisi, tanlovda O‘zbekiston davlat jismoniy tarbiya va sport universiteti talabalari ham faol ishtirok etib, o‘zbek adabiyotining ulkan namoyandasi Abdulla Qodiriy hayoti va ijodiga murojaat qilishdi. Uning asarlarini o‘ziga xos sahna ko‘rinishlari orqali ifodalab berishdi.

🥉Yakunda esa universitetimiz talabalari faxrli uchinchi o‘rinni qo‘lga kiritib, tanlov sovrindoriga aylanishdi.