Madaniy-ma’rifiy manzillarga sayohat!

📆Kuni kecha O'zbekiston davlat jismoniy tarbiya va sport universiteti Xalqaro kurash turlari nazariyasi va uslubiyati kafedrasi professor-oʻqituvchilari tomonidan talabalarning bo‘sh vaqtini mazmunli tashkil etish, ularni yurtimizdagi madaniy jarayonlardan xabardor qilib borish  maqsadida poytaxtimizdagi bir qator madaniy-ma’rifiy manzillarga sayohat tashkillashtirildi.

🏢Jumladan, talabalar tyutorlar hamrohligida O'zbekiston Respublikasi Qurolli Kuchlari davlat muzeyiga sayohat qildilar. Sayohat davomida muzeyning yaratilish tarixi va mavjud eksponatlar, vatanimiz mudofaasi yo‘lida halok bo‘lgan mard askarlar jasorati va boshqa muhim ashyolar va ma’lumotlar bilan yaqindan tanishdilar. 

🎭Sayohat O‘zbekiston Davlat Satira teatrida namoyish etilgan spektakl tomoshasi bilan o‘z nihoyasiga yetdi.