Qishki va murakkab-texnik sport turlari fakulteti

Qishki va murakkab-texnik sport turlari fakulteti

     O‘zbekiston Respublikasi Prezidentining “Jismoniy tarbiya va sport sohasidagi davlat boshqaruvi tizimini tubdan takomillashtirish chora-tadbirlari to‘g‘risida”gi 2018-yil 5-martdagi PF-5368 sonli farmoni va O‘zbekiston Respublikasi Vazirlar Mahkamasining “O‘zbekiston davlat jismoniy tarbiya va sport universiteti faoliyatini tashkil etish chora-tadbirlari to‘g‘risida”gi 2018-yil 3-maydagi 331-sonli qarori asosida 2018-yilda O‘zbekiston davlat jismoniy tarbiya instituti negizida O‘zbekiston davlat jismoniy tarbiya va sport universiteti tashkil etildi.

     Oliy taʼlim muassasalari tarkibida fakultetlarni shakllantirishga  qo‘yiladigan talab va meʼyorlardan kelib chiqqan holda, fakultetlardagi talabalar sonini optimallashtirish bo‘yicha Universitet Kengashining 2021-yil 7-iyuldagi 12-sonli bayonnomasida ko‘rsatilgan topshiriqlar  ijrosini taʼminlash maqsadida, “Qishki va murakkab-texnik sport turlari”  fakulteti oliy taʼlimni  boshqarish bo‘yicha vakolatli davlat organi bilan  kelishilgan  holda  rektorning  2021-yil 26-iyuldagi  342/1-U sonli buyrug‘i asosida tashkil etilgan.

     Qishki va murakkab-texnik sport turlari fakulteti – O‘zbekiston davlat jismoniy tarbiya va sport universiteti boshqaruv (tashkiliy) tuzilmasining tarkibiy bo‘linmasi hisoblanadi. Uning faoliyati tegishli bakalavriat taʼlim yo‘nalishlari va mutaxassisliklari bo‘yicha talabalarni o‘qitish, taʼlim-tarbiya, sport musobaqalari jarayonlarini uzviy va uyg‘unlashgan holda olib borish, ilmiy-pedagogik kadrlar tayyorlash, malaka oshirish va qayta tayyorlash, shuningdek, kafedralarda ilmiy-tadqiqot loyihalarini bajarish ishlarini muvofiqlashtirishga yo‘naltirilgan.

     Hozirgi kunda fakultetni rahbari etib pedagogika fanlari boʻyicha falsafa doktori (PhD), dotsent S.R.Davletmuratov tayinlangan. Fakultetni tasarrufidagi kafedralarda 30 nafardan ortiq professor-oqituvchilar ish faoliyat olib bormoqdalar, shulardan: pedagogika fanlari nomzodi, dotsent Chernikova Yelena Nikolayevna,  biatlon sport turi boʻyicha Oʻzbekistonda xizmat koʻrsatgan murabbiy Serebryakov Sergey Valentinovich, xokkey sport turi boʻyicha sport ustasi va “Doʻstlik”  ordeni sohibi Karimov Shukrilla Xamidillayevich,  togʻ changʻi sport turi boʻyicha sport ustasi va “Sogʻlom turmush” medali sohibi Gayupov Anarqul Satimbekovich, veloshosse sport turi boʻyicha sport ustasi Karimov Ismoiljon Ibroximjonovich,  biatlon sport turi boʻyicha sport ustasi Azamova Gulnora Ergashevna.

Qishki va murakkab-texnik sport turlari fakultetida 2 ta kafedra faoliyat yuritadi.

“Qishki sport turlari nazariyasi va uslubiyati” kafedrasi

“Murakkab-texnik sport turlari nazariyasi va uslubiyati”kafedrasi

Qishki va murakkab-texnik sport turlari fakultetida 8 ta ta’lim yo’nalishlari mavjud:

• 5610504 Sport faoliyati: velosport
• 5610539 Sport faoliyati: ot sporti
• 5610540 Sport faoliyati: triatlon
• 5610541 Sport faoliyati: biatlon
• 5610542 Sport faoliyati: xokkey
• 5610547 Sport faoliyati: togʻ changʻisi
• 5610549 Sport faoliyati: figurali uchish
• 5610550 Sport faoliyati: chim ustida xokkey

Bugungi kunda bakalavriat kunduzgi yoʻnalishida – 383 nafar, bakalavriat sirtqi yoʻnalishida – 333 nafar, jami 716 nafar talaba tahsil olmoqda. Taʼlim o‘zbek va rus tillarida olib boriladi.

Fakultet dekani, pedagogika fanlari boʻyicha falsafa doktori (PhD), dotsent 

Davletmuratov Sultanbek Ruzimovich

Qabul kunlari: seshanba-juma: 14:00 - 17:00

O'quv ishlari bo'yicha dekan muovini, o'qituvchi

Joʻrayev Ibroxim Boxodir oʻgʻli

Qabul kunlari: dushanba – payshanba: 15:00 - 17:00

Yoshlar masalalari va ma’naviy - ma’rifiy ishlar bo‘yicha dekan o‘rinbosari

Aʼzamov Ruhullo Maxmudjon oʻgʻli

Qabul kunlari: chorshanba-juma: 15:00 - 17:00