Kurash fakulteti

Qadimiy qadriyatlarimiz, xususan mardlik, jasurlik, vatanparvarlik, gumanizm g‘oyalarini o‘zida mujassam etgan milliy sportimiz bo‘lgan kurashni ommalashtirish, rivojlantirish va dunyoga tanitish hamda ushbu qadriyatlarimizni umumjahon durdonasiga aylantirish bo‘yicha qator ishlar amalga oshirilmoqda.

Buyuk ajdodlarimizdan meros qolgan kurash sportining boy an’analari va qadriyatlarini kelajak avlodlarga yetkazish, o‘zbek sporti brendi nomi bilan kurashning jahon arenasidagi rolini oshirish, yoshlarning milliy sportga bo‘lgan qiziqishlarini qo‘llab-quvvatlash va rag‘batlantirish orqali ularda vatanparvarlik tuyg‘usini yanada mustahkamlash, aholining barcha qatlamlari, ayniqsa, yoshlarning, shuningdek, jahon xalqlarining mazkur sport turi bilan shug‘ullanishi uchun zarur o’quv-uslubiy, ilmiy-metodik ta’minotni shakllantirish dolzarb vazifadir.

Shu bilan birga, kurashning tobora ommalashib borayotganligi nufuzli xalqaro musobaqalarni tashkil qilishga, mavjud infratuzilma va moddiy-texnik bazani modernizatsiya qilishga, sport inventarlari va kiyimlari ta’minotini yaxshilashga, bu borada ishlab chiqarishni kengaytirishga, shuningdek, soha uchun malakali kadrlar, trenerlar va hakamlar tayyorlashga bo‘lgan e’tiborni yanada kuchaytirishni talab etmoqda.

O‘zbekiston Respublikasi Prezidentining 2020 yil 04 noyabrdagi “Kurash milliy sport turini rivojlantirish va uning xalqaro nufuzini yanada oshirish chora-tadbirlari to‘g‘risida”gi 4881- sonli Qarori mamlakatimizda kurash sport turini yanada rivojlantishning huquqiy asosi bo‘lib xizmat qiladi.

Ushbu qarorda ko‘rsatilgan vazifalar Kurash fakultetining ham oldidagi asosiy ustuvor vazifa hisoblanadi. Bular:

1. Kurash bo‘yicha professional trenerlar, hakamlar tayyorlash, o‘quv-uslubiy qo‘llanmalar ishlab chiqish, kurashning ilmiy-metodologik bazasini kuchaytirish;
2. Aholining barcha qatlamlarini kurash bilan shug‘ullanishga keng jalb qilish hamda O‘zbekistonda kurashni umumxalq sport turiga aylantirish;
3. Yosh istiqbolli sportchilarni tanlab olish va tarbiyalash masalalari bo‘yicha bolalar-o‘smirlar sport maktablari, ixtisoslashtirilgan olimpiya zaxiralari maktab-internatlari bilan uzluksiz hamkorlikni amalga oshirish, ularga o‘quv-uslubiy va me’yoriy-axborot yordam ko‘rsatishni ta’minlash;
4. Kurashni aholi o‘rtasida, shu jumladan ommaviy axborot vositalari orqali keng targ‘ib qilish.

 Kurash fakulteti moddiy texnik bazasi:

   Kurash fakultetining moddiy texnik ba’zasi yangi qurilgan kurashga ixtisoslashgan sport majmua va universitet sport manejidagi xalqaro kurash turlariga (dzyudo, sambo, erkin va yunon-rum kurashi) ixtisoslashgan ba’zada faoliyat olib baradi.

Kurash fakulteti 2 ta kafedradan tashkil topgan va 6 ta ta’lim yo‘nalishni qamrab oladi

1. Kurash fakulteti talabalar kontengenti Olimpiya, Jahon va Osiyoda g‘olib bo‘lgan sportchilar va talabalar salmog‘i

Fakultet bo‘yicha 300 dan ziyod terma jamoa a’zolari va nomzod talabalar mavjud.  Shundan 50 nafardan ziyodi milliy kurash bo‘yicha Jahon va Osiyoda g‘olib bo‘lgan sportchilar tashkil etadi.

Dars mashg‘ulotlariga jalb qilingan mutaxassislar (xorijiy va mahalliy)

Milliy kurash turlari nazariyasi va uslubiyati kafedrasida 27 nafar professor-o‘qituvchilar faoliyat olib boradi. Shundan 1 nafar professor, 4 nafar dotsent, 4 nafar PhD, 2 nafar katta o‘qituvchi,  ilmiy salohiyat 47 % tashkil etmoqda. Kafedra faoliyatiga doir kundalik ma’lumotlar telegram ijtimoiy tarmog’ida tashkil qilingan “Milliy kurash turlari nazariyasi va uslubiyati kafedrasi” https://t.me/joinchat/A-tND-4WhPFmZjli kanali orqali doimiy kuzatib borish mumkin.

Xalqaro kurash turlari nazariyasi va uslubiyati kafedrasida 30 nafar professor-o‘qituvchilar faoliyat olib boradi. Shundan 2 nafar professor, 5 nafar dotsent, 5 nafar PhD, 5 nafar katta o‘qituvchi,  ilmiy salohiyat 46 % tashkil etmoqda. . Kafedra faoliyatiga doir kundalik ma’lumotlar telegram ijtimoiy tarmog’ida tashkil qilingan “Xalqaro kurash turlari nazariyasi va uslubiyati kafedrasi” https://t.me/joinchat/EV96KdY84N8xNTAy kanali orqali doimiy kuzatib borish mumkin.

Kurash fakulteti mutaxasislik kafedralarida ta’lim sifati va mashg‘ulotlar samaradorligini oshirish maqsadida Janubiy Koreya, Yaponiya, Rossiya, Ukraina, Belorussiya, Qozog’iston kabi xorijiy davlatlar OTM lari va mahalliy oliygohlar sport federatsiyalari bilan hamkorlik aloqalari yo‘lga qo‘yilgan. Amaliy mashg‘ulotlar va master klaslar tashkil etilmoqda.

Xalqaro kurash nazariyasi va uslubiyati kafedrasi 2021 yilning 28 yanvar kuni 15 yil davomida Rossiya jismoniya tarbiya va sport ilmiy tadqiqotlar institutiga rahbarlik qilgan, hozirda Rossiya davlat Jismoniy madaniyat, sport va turizm universiteti Sharq yakkakurashlari va kurash nazariyasi va uslubiyati kafedrasi professori Shiyan Viktor Vladimirovich ishtirokida amaliy va nazariy mashg‘ulot tashkil etildi va hamkorlik shartnomasi imzolandi.

Milliy kurash turlari nazariyasi va uslubiyati kafedrasida Janubiy Koreyalik mutaxasis Kim Er Jun ham faoliyat olib boradi.

Mashhur sportchilardan Jahon va Olimpiada g‘olib va sovrindorlari  Abdulla Tangriev, Rishod Sobirov, Dilshod Mansurov, Elmurat Tasmuratov, Ramziddin Saidov, Shamsiddin Saidov, Davlat Choriev, Sherali Jo‘raev, Ilxom Jo‘raev, Boburjon Qurbonovlar ishtirokida amaliy mashg‘ulot va master-klasslar tashkil etilmoqda.

Shuningdek, murojaatlar bilan ishlash tizimini takomillashtirish maqsadida fakultet dekanining telegram ijtimoiy tarmog’ida KurashfakultetiDekaniga_murojaat @Kurashfakultetidekani_bot ishga tushirilgan.

Kurashga oid shiorlar

 KURASН - MARDLIK TIMSOLI

POLVONLARI KO‘P YURT QUDRATLI BO‘LUR

KURASН MILLIY G‘URURIMIZ

KURASН MILLAT FAXRI 

KURASH FAKULTETI MANZILI

111709, Toshkent viloyati, Chirchiq shahri, Sportchilar ko'chasi, 19, "A" bino, 401, 426 xona.

Tel.: (+99870) 717-27-81, fac.: (+99870) 717-27-81,
-Veb-sayt: jtsu.uz, e-mail: kurash_uzdjtsu_uz@mail.ru

Telegram: https://t.me/kurash_uzdjtsu

KURASH FAKULTETI BOSHQARMASI

	Dekan  pedagogika fanlari bo'yicha falsafa doktori (PhD), dotsent Qirg‘izboev Ma’rufjon Mo‘ydinovich Tel: (90) 186-11-22   Elektron manzil: uzdjtsu_kurash@mail.ru Qabul kunlari Dushanba - Shanba: 15:00 - 17:00
	O‘quv ishlari bo‘yicha dekan muovini Ochilov Oybek Abdirasulovich Tel: +998 (77) 019-33-34   Elektron manzil: uzdjtsu_kurash@mail.ru Qabul kunlari Dushanba – Shanba: 15:00 - 17:00
	Yoshlar masalalari va ma'naviy - ma'rifiy ishlar bo'iycha dekan muovini Chorshamiyev Nuriddin Abdialimovich Tel: +998 (91) 190-26-86    Elektron manzil: uzdjtsu_kurash@mail.ru Qabul kunlari Dushanba – Shanba: 10:00 - 13:00