Sportni boshqarish va turizm fakulteti

SPORTNI BOSHQARISH VA TURIZM FAKULTETI

         O‘zbekiston Respublikasi Prezidentining “Jismoniy tarbiya va sport sohasidagi davlat boshqaruvi tizimini tubdan takomillashtirish chora-tadbirlari to‘gʼrisida”gi 2018 yil 5 martdagi PF-5368 sonli farmoni va O‘zbekiston Respublikasi Vazirlar Mahkamasining “O‘zbekiston davlat jismoniy tarbiya va sport universiteti faoliyatini tashkil etish chora-tadbirlari to‘gʼrisida”gi 2018 yil 3 maydagi 331-sonli qarori asosida 2018 yilda O‘zbekiston davlat jismoniy tarbiya instituti negizida O‘zbekiston davlat jismoniy tarbiya va sport universiteti tashkil etildi.

O‘zbekiston Respublikasi Vazirlar Mahkamasi tomonidan universitetning tashkiliy tuzilmasi shakllantirilib, uning tarkibiy qismi bo‘lib yangi tashkil etilgan “Sportni boshqarish va kasbiy fanlar” fakulteti 2021 yil 1 fevraldan “Sportni boshqarish va turizm” fakultetiga o‘zgartirildi. 

Fakultet tarkibiga quyidagi kafedralar kiradi:

- “Jismoniy tarbiya, sport nazariyasi va uslubiyoti” kafedrasi;

- “Sport menejmenti va iqtisodiyot” kafedrasi;

- “Sport tadbirlarini tashkil etish” kafedrasi;

- “Gimnastika nazariyasi va uslubiyoti” kafedrasi.

Fakultetda quyidagi sport turlari bo‘yicha murabbiylar, sport menejerlari va o‘qituvchilarni tayyorlaydi:

- 5230211 – Menejment (Jismoniy tarbiya va sport menejmenti);

- 5112300 – Maktabgacha va boshlangʼich taʼlimda jismoniy tarbiya va sport;

- 5610400 – Marketing (sport);

- 5230213 – Menejment (Sport tadbirlarini tashkil etish va boshqarish);

- 5610545 – Sport faoliyati (Shaxmat)

- 5610514 – Sport faoliyati (Badiiy gimnastika)

- 5610505 – Sport faoliyati (Gimnastika)

Hozirgi kunda fakultetda tahsil olayotgan talabalar soni

Kunduzgi – 921 nafar

Sirtqi - 373 nafar 

Fakultet ilmiy salohiyati

           Fakultetda bugungi kunda: “Jismoniy tarbiya, sport nazariyasi va uslubiyoti” (Ilmiy salohiyat 36.3%), “Sport menejmenti va iqtisodiyot” (Ilmiy salohiyat 58.0%), “Sport tadbirlarini tashkil etish” (Ilmiy salohiyat 50.0%), “Gimnastika nazariyasi va uslubiyoti” (Ilmiy salohiyat 24.5%) kafedralari faoliyat ko‘rsatmoqda.

Fakultet bo‘yicha ilmiy salohiyat 42.2 %.

          2019-2020 yillarda professor-o‘qituvchilar tomonidan Respublika OAK ruyhatiga kiritilgan jurnallarda 207 ta maqola, chet el jurnallarida 44 ta maqolalar eʼlon qilindi. Magistrantlar tomonidan 37 ta xalqaro xorijiy konferentsiyalarda va 32 ta respublika miqyosidagi konferentsiyalarda tezislar chop etildi. 14 nafar professor-o‘qituvchi xorijiy OTMlarda (Rossiya, Xitoy, Yaponiya, Qozogʼiston) tashkil etilgan xalqaro darajadagi ilmiy-amaliy anjumanlarda o‘z maʼruzalari bilan bevosita ishtirok etishgan

 Fakultetimiz talabalarining yutuqlari

       Fakultetning  20-64 guruh talabasi Ibodullaeva Musharraf 2020 yil 18-19 dekabr kunlari Rossiya Federatsiyasining (Moskva) shahrida o‘tkazilgan SAMBO bo‘yicha jahon kubogida 1-o‘rinni egalladi. 20-78 guruh talabalari yaʼni Abduraxmonov Muxammadali bugungi kunda Shaxmat bo‘yicha FIDE ustasi, Shaxmat bo‘yicha Osiyo chempionati sovrindori. Shuningdek, Shaxmat bo‘yicha Xalqoro toifadagi sport ustasi, Osiyo chempioni, Jahon chempionati sovrindori, Halqoro toifadagi grossmeyster Saydaliev Saidakbar ham fakultetimiz fahri. Voxidov Shamsiddin esa14 yoshida jahon chempioni unvoniga sazovor bo‘lgan. 20-61 guruh talabasi Saymatov Sadriddin 2021 yilda Karate bo‘yicha Turkiya Davlatining Istambul shahrida o‘tkazilgan jahon birinchiligida 3-o‘rin sohibi bo‘lgan. 01-18 guruh talabasi Mirzaobidov Shohruh 2021 yil 18-21 noyabr kunlari Yurtimizda bo‘lib o‘tgan sportning Karate ITKF turi bo‘yicha Afro-Aziya chempionatida faxrli ikkita oltin va bitta kumush medali sovrindori bo‘ldi.

     Fakultetning 20-64 guruh talabasi Ibodullaeva Musharraf 2020 yil 18-19 dekabr kunlari Rossiya Federatsiyasining (Moskva) shahrida oʼtkazilgan SАMBO boʼyicha jahon kubogida 1-oʼrinni egalladi. 20-78 guruh talabalari yaʼni Аbduraxmonov Muxammadali bugungi kunda Shaxmat boʼyicha FIDE ustasi, Shaxmat boʼyicha Osiyo chempionati sovrindori. Shuningdek, Shaxmat boʼyicha Xalqoro toifadagi sport ustasi, Osiyo chempioni, Jahon chempionati sovrindori, Halqoro toifadagi grossmeyster Saydaliev Saidakbar ham fakultetimiz fahri. Voxidov Shamsiddin esa14 yoshida jahon chempioni unvoniga sazovor boʼlgan. 20-61 guruh talabasi Saymatov Sadriddin 2021 yilda Karate bo'yicha Turkiya Davlatining Istambul shahrida oʼtkazilgan jahon birinchiligida 3-oʼrin sohibi boʼlgan.