Umumta’lim maktablarida yangi metodikalarni qo‘llashdan tortib, ommaviy sportni rivojlantirishgacha

O‘zbekiston Respublikasi Prezidentining 2022-yil 5-apreldagi umumta’lim maktablarida ta’lim sifatini oshirishga qaratilgan videoselektor yig‘ilishi hamda 2022-yil 11-aprel kuni qabul qilingan “Mahallalarda yoshlarni ommaviy sportga jalb qilishni yangi bosqichga olib chiqish chora tadbirlari to‘g‘risida” gi Qarorida belgilangan ustuvor vazifalar ijrosini ta’minlash maqsadida O‘zbekiston davlat jismoniy tarbiya va sport universitetidagi mavjud 25 ta kafedraga biriktirilgan Toshkent viloyatining Chinoz tumani va Chirchiq shahridagi umumta’lim maktablarida ta’lim sifatini yaxshilash, yoshlarni ommaviy sportga jalb qilish bo‘yicha universitet professor-o‘qituvchilari jonbozlik qilib kelmoqda.

Bulardan, Adaptiv jismoniy tarbiya va sport, Qishki sport turlari nazariyasi va uslubiyati, Yengil atletika nazariyasi va uslubiyati, Chet tillari, Futbol nazariyasi va uslubiyati, Taekvonda WTF, karate WKF nazariyasi va uslubiyati, Sport menejmenti va iqtisodiyot, Jismoniy tarbiya, sport nazariyasi va uslubiyati, O‘zbek tili va adabiyoti, Boks, qilichbozlik nazariyasi va uslubiyati, Gandbol, regbi nazariyasi va uslubiyati, “Sport tadbirlarini tashkil etish”, Suv sporti, eshkak eshish turlari nazariyasi va uslubiyati, Badminton, tennis nazariyasi va uslubiyati, Xalqaro kurash turlari nazariyasi va uslubiyati shu bilan birga, “Sport tibbiyoti va bioximiya” kafedralarini alohida aytish mumkin. Ular ummumta’lim maktablar faoliyati, o‘qituvchilar va o‘quvchilar kontingenti hamda moddiy-texnika bazalarini o‘rganib, tahlil qilib chiqishdi. Tahlil natijalaridan kelib chiqib, shu hafta mobaynida maktablarda “Jismoniy tarbiya” fanini o‘qitish uchun ayrim sport anjomlarini olib berish, o‘tiladigan fanlar bo‘yicha metodik yordam ko‘rsatish, sport va fan to‘garaklari,  ma’naviy-ma’rifiy soatlarni tashkil etish maqsadida hamkorlik memorandumlarini imzolash, “Besh tashabbus olimpiadasi” doirasida sportning futbol, yengila atletika, boks, voleybol, stol tennisi kabi turlaridan mahorat darslari hamda musobqalar o‘tkazish, shuningdek, Sport psixologiyasi va pedagogika kafedrasi professor-o‘qituvchilari tomonidan “Ijtimoiy-psixologik muammolari mavjud bo‘lgan bolalar bilan ishlash va suitsidni oldini olish” mavzusida seminar-treninglar tashkil etildi. Seminarlar davomida maktab psixologlariga o‘quvchilar orasida yangi turdagi metodlarni qo‘llash, bu orqali ularning muammlarini aniqlash, nojo‘ya xatti-harakatlarning oldini olish borasida bir qator ko‘rsatmalar berib o‘tildi.

Hamkorlikda olib borilayotgan mazkur ishlar zamirida ta’lim sifatini yaxshilash, yangi metodiklar asosida pedagoglar bilim va ko‘nikmalarini rivojlantirish, o‘quvchilarning oliy o‘quv yurtlariga bo‘lgan qiziqishlarini yanada oshirish kabi ustuvor vazifalar mas‘uliyati yotadi!

O‘zDJTSU axborot xizmati