O‘zDJTSU talabalari Osiyo chempionatida faxrli o‘rinlarni qo‘lga kiritishdi

Joriy yilning 24-27-mart kunlari Tailandning Pattaya shahrida Baydarka va eshkak eshish bo‘yicha Osiyo chempionati bo‘lib o‘tdi. Unda O‘zbekiston davlat jismoniy tarbiya va sport universitetining talabalari munosib ishtirok etib, faxrli o‘rinlarni qo‘lga kiritishdi.

Jumladan, eshkak eshish ixtisosligi talabalari Kseniya Isliyeva 2 ta oltin, 2 ta kumush, Gulbahor Fayziyeva 2 ta oltin va 1 ta bronza, Kamila Malaxova 1 ta oltin, 2 ta kumush hamda 1 ta bronza, Abdusalom Normirzayev 2 ta kumush, Ibrat Ergashev 3 ta kumush, Xonzoda Erkinova 1 ta kumush va 1 ta bronza medallariga sazovor bo‘ldilar. Magistratura bosqichi talabaridan esa Nurislom To‘xtasin O‘g‘li hamda Dilnoza Rahmatova bittadan kumush va bronza medallarini qo‘lga kiritdi.

Mazkur chempionat yana bir bor o‘zbek sportchilarning qanchalik mahoratli, birdam, eng muhimi Vatani sharafini doimo yuksaklarga ko‘tarish yo‘lida bor kuchlari bilan harakat qilishlarini ko‘rsatdi.