Ogʻir atletika boʻyicha kattalar oʻrtasidagi Oʻzbekiston chempionatida OʻzDJTSU talabalari munosib ishtirok etdi

Xabargiz bor, Xiva shahridagi Milliy va Olimpiya sport turlariga ixtisoslashtirilgan maktab-internatda joriy yilning 18-22 mart kunlari bo‘lib o‘tgan kattalar oʻrtasidagi Oʻzbekiston chempionatida 141 nafar sportchilar gʻoliblik uchun supachaga chiqishdi.

Sportchilar 10 tadan vazn toifasida musobaqalashdi. Ushbu nufuzli musobaqada 2 nafar olimpiya chempionlari va rekordchilari Akbar Jo’rayev va Ruslan Nuriddinovlarning ishtirok etishi musobaqaning nufuzini yanada oshirdi.

Mazkur musobaqada O‘zDJTSU og‘ir atletika ixtisosligi talabalari munosib ishtirok etishdi va 3 ta oltin, 3 ta kumush, 2 ta bronza medallarini qo’lga kiritishdi. Quvonarlisi, +109 kg vaznda sovrindorlarning (1-3 o’rinlar) barchasi universitet talabalari hisoblanadi.

Sovrindor sportchi-talabalar ro’yxati

🥇Toshtemirov Muhammadqodir (161+190) – 351 kg;
🥇Zafarjonov Sarvar (160+195) – 355 kg;
🥇 Jo'rayev Akbar (185+232) – 417 kg;
🥈Raximov Musharraf (132+161) – 293 kg;
🥈 Muhammadaminov Zaynobiddin (147+177) – 324 kg;
🥈 Mirzaboyev Mirhosil (175+207) – 382 kg;
🥉 G'afforov Og'abek  (138+167) - 305 kg;
🥉Rahmanov Asadbek (160+180) – 340 kg.