O‘zbek futboli yaponiyalik mutaxssis nigohida: o‘xshash va farqli jihatlar

Bugun O‘zbekiston davlat jismoniy tarbiya va sport universitetiga yaponiyalik taniqli bolalar va o‘smirlar futboli mutaxassisi Tetsuya Sutida tashrif buyurdi.

Dastavval yaponiyalik mutaxassis va Futbol nazariyasi va uslubiyati kafedrasi professor-o‘qituvchilari hamda talabalar ishtirokida suhbat bo‘lib o‘tdi.

Mazkur uchrashuv universitet va O‘zbekiston futbol assotsiatsiyasi o‘rtasida imzolangan memarandum assosida tashkil etildi.

Suhbat davomida yaponiyalik mutaxassis Tetsuya Sutida o‘zi tayyorlab kelgan taqdimotda Yaponiya futbol tarixi haqida qisqacha maʼlumot berib o‘tdi. Unga ko‘ra yaponiyada 1968-1989 yillar oralig‘ida futbol deyarli rivojlanmagan, tomoshabinlarning kamligi va hech qanday musobaqalarda qatnashilmagan hamda bunday holatni bartaraf etish maqsadida 1993 yili ularda Yaponiya Professional ligasi tashkil etilganini aytib o‘tdi. Shuningdek, mutaxxasis Yaponiya futbolining mazmuni, kelajagi hamda uning o‘z oldiga qo‘ygan ikki yirik maqsadi: 2050 yilgacha 10 million futbol muxlisiga ega bo‘lish va jahon chempionligini qo‘lga kiritish ekanligini taʼkidladi.

Suhbat yakunida mutaxassis o‘zbek futbolidagi yutuq va kamchiliklar, o‘yinchilarda tezlik yetishmasligi hamda futbol akademiyalaridagi kuzatishlari to‘g‘risida ham to‘xtaldi va kafedra o‘qituvchilari tomonidan yo‘llangan savollarga atroflicha javob berdi.

Shundan so‘ng mutaxassis universitetda bo‘lib o‘tayotgan sportning futzal bo‘yicha 2007 yilda tavallud topgan bolalar o‘rtasidagi “Sport maktablari futbol ligasi” O‘zbekiston chempionatining final bahsini kuzatdi hamda taqdirlash marosimida ishtirok etdi.

O‘zDJTSU axborot xizmati