Chempionlarni yetishtirgan murabbiy bilan mahorat saboqlari

Mamlakatimiz so‘nggi yillarda olimpiya sport turlariga bo‘lgan qiziqish  kundan kunga ortib bormoqda. Xususan, keyingi davrlarda og‘ir atletika bo‘yicha O‘zbekiston milliy terma jamoasi yirik xalqaro sport musobaqalarida muvaffaqiyatli ishtirok etib kelayotgani ham barchamizga sir emas. Og‘ir atletikachilarning xalqaro musobaqalarda muvaffaqiyatli ishtiroki ko‘pgina omillarga, jumladan, ularning texnik-taktik tayyorgarligiga bog‘liq. Shu masalalar bugungi kunda soha mutaxassislarining diqqat markazida desak adashmagan bo‘lamiz.

Joriy yilning 12-fevral kuni O‘zbekiston davlat jismoniy tarbiya va sport universitetining “Og‘ir atletika nazariyasi va uslubiyati” kafedrasi hamda O‘zbekiston og‘ir atletika fedratsiyasi bilan hamkorlikda qo‘shma ilmiy-amaliy seminar tashkil etildi.

Seminarda milliy terma jamoa bosh murabbiyi, London-2012 olimpiya o‘yinlari ishtirokchisi, ko‘plab jahon va Osiyo chempionlarini yetishtirgan murabbiy Bahrom Mendibayev o‘zining “Yuqori malakali og‘ir atletikachilar mashg‘ulotlarida maxsus tayyorgarlik vositalarining samaradorligi” mavzusida ma’ruza hamda amaliy mashg‘uloti o‘tib berdi.

Shuningdek seminarda, universitet talabalari bilan bir qatorda Jizzax va Nukus olimpiya zaxiralari sportchilari ham ishtirok etishdi.