“Navoiy asarlarida-komil inson tarbiyasi” mavzusida maʼnaviy-maʼrifiy tadbir o‘tkazildi

O‘zbekiston davlat jismoniy tarbiya va sport universitetida Kurash fakulteti va O‘zbek tili adabiyoti kafedrasi tashabbusi bilan Hazrat Alisher Navoiyning 581 yilligiga bag‘ishlab “Navoiy asarlarida-komil inson tarbiyasi” mavzusida maʼnaviy-maʼrifiy tadbir o‘tkazildi.

Tadbirda Kurash fakulteti dekani Z.Artikov, Chirchiq Davlat pedagogika institutining ijtimoiy fanlar kafedrasi katta o‘qituvchisi X.Juraev, O‘zJDTSU ijtimoiy fanlar kafedrasi katta o‘qituvchisi M.Jumaev, Chirchiq oliy tank-qo‘mondon muhandislik bilim yurti kursantlari Chirchiq gazetasi vakillari, dekan o‘rinbosarlari, taʼlim-tarbiya maslahatchilari va fakultet talabalari ishtirok etdi.

Maʼnaviy-maʼrifiy tadbirni Kurash fakulteti dekani Zohid Artiqov ochib berdi. Shundan so‘ng maʼruzachilar tomonidan A.Navoiyning hayoti va ijodi g‘azallari va ruboiylari hamda asarlari to‘g‘risida  maʼlumotlar berildi.

Tadbir davomida talabalar tomonidan A.Navoiyning g‘azallari va ularga bastalangan kuy va qo‘shiqlar ijro etildi. Shuningdek, Chirchiq shahridagi 24-maktab o‘quvchilari hamda Chirchiq oliy tank-qo‘mondon muhandislik bilim yurti kursantlari o‘zlari tayyorlab kelgan badiiy chiqishar bilan ishtirok etdi.

https://t.me/uzdjtsu_rasmiy