Shaxmat: “Prezident kubogi” xalqaro turnirida O‘zDJTSU talabasi peshqadamlar qatorida

Xabaringiz bor joriy yilning 11 noyabr kuni poytaxtimizdagi Xalqaro shaxmat akademiyasida shaxmat bo‘yicha O‘zbekiston Respublikasi Prezidenti sovrini uchun xalqaro turnir start olgandi. Bugun mazkur xalqaro turnirning 6-tur o‘yinlari ortda qoldi.

“Prezident kubogi” xalqaro turnirida dunyoning 9 ta davlatidan jami 104 nafar mohir shaxmatchilar shundan, 27 nafari grossmeyster, 16 nafari xalqaro master, ko‘plab FIDE ustasi hamda sport ustalari ishtirok etishmoqda.

6-tur o‘yinlaridan keyin musobaqada 4 nafar peshqadam ajralib chiqdi. Eʼtiborli jihati, ulardan ikki nafari hamyurtlarimizdir.

Jumladan, O‘zbekiston davlat jismoniy tarbiya va sport universiteti talabasi Shamsiddin Vohidov oq donalarda ukrainalik Aleksandr Moisenko ustidan g‘alabaga erishdi va o‘z ochkolari sonini 5 taga yetkazib, peshqadamlar safidan joy oldi. Yana bir sportchimiz O‘zbekiston Milliy universiteti talabasi Nodirbek Yoqubboyev esa qora donalarda boshqa bir ukrain shaxmatchisi Vitaliy Sivukni mag‘lub etdi va u ham 5 ochko bilan peshqadamlar kvartetiga qo‘shildi.

Shuningdek, «Prezident kubogi» xalqaro shaxmat turnirida O‘zbekiston davlat jismoniy tarbiya va sport universitetining quyidagi talabalari va professor-o‘qituvchilari munosib ishtirok etmoqda:

1. Jumanov Elbek FIDE ustasi, “Sport menejmenti va iqtisodiyot” kafedrasi o‘qituvchisi;

2. Saydaliyev Saidakbar FIDE ustasi;

3. Abdurahmonov Muxammadali FIDE ustasi;

4. Qosimov Ali FIDE ustasi;

5. Shermuhammadov Samandar FIDE ustasi;

6. Tursunova Aziza;

7. Hamrayeva Dilbar;

8. Safarov Doniyor.

Eslatib o‘tamiz, “Prezident kubogi” xalqaro turnirining umumiy sovrin jamg‘armasi 120 000 AQSH dollarini tashkil etadi va bu mamlakatimiz shaxmati tarixida eng yuqori sovrin jamg‘armasiga ega turnir sifatida tarixga kirdi.

https://t.me/uzdjtsu_rasmiy