Universitetning uch nafar professor-o‘qituvchisiga "Jismoniy tarbiya va sport alochisi" ko‘krak nishoni topshirildi

Xabaringiz bor, O‘zbekiston Respublikasi Vazirlar Mahkamasining 2018 yil 3 maydagi 332-sonli qaroriga asosan "Jismoniy tarbiya va sport alochisi" ko‘krak nishoni tasis etilgan.

Kuni kecha O‘zbekiston Respublikasi Bosh vazirining o‘rinbosari, Turizm va sport vaziri Aziz Abduhakimov O‘zbekiston davlat jismoniy tarbiya va sport universitetining Qishki va murakkab-texnik sport turlari fakulteti dekani Sultanbek Davletmuratov, Xalqaro kurash turlari nazariyasi va uslubiyati kafedrasi mudiri,  O‘zbekistonda xizmat ko‘rsatgan murabbiy, dotsent  Shuxrat Arslanov hamda universitet huzuridagi Jismoniy tarbiya va sport ilmiy tadqiqotlar instituti direktori o‘rinbosari Muqimjon  Arzikulovlarga "Jismoniy tarbiya va sport alochisi" ko‘krak nishonini topshirdi.

Malumot uchun, ushbu ko‘krak nishoni bilan Olimpiya, Paralimpiya va Osiyo o‘yinlari hamda jahon, Osiyo chempionatlarida va boshqa nufuzli xalqaro sport musobaqalarida yuksak natijalarga erishgan, Vatanimiz bayrog‘ini baland ko‘tarib kelayotgan sportchilarning trenerlari, jamiyatimizda sog‘lom turmush tarzini shakllantirish, aholining, ayniqsa yosh avlodning jismoniy tarbiya va ommaviy sport bilan muntazam shug‘ullanishi uchun zamon talablariga mos shart-sharoitlar yaratish, jismoniy tarbiya va sportni yana-da rivojlantirishga yo‘naltirilgan keng ko‘lamli ishlar amalga oshirilishiga munosib hissa qo‘shib kelayotgan, shuningdek, mamlakatimizning barcha hududlarida ommaviy sportning inson va jamiyat hayotidagi muhim ahamiyati, uning jismoniy va manaviy sog‘lomlikning asosi ekanini targ‘ib qilish, iqtidorli sportchilarni saralab olish hamda maqsadli tayyorlash tizimini takomillashtirish borasida sidqidildan mehnat qilayotgan, respublikada jismoniy tarbiya va sport sohasida malakali kadrlar tayyorlashda jonbozlik ko‘rsatayotgan tajribali, etuk jismoniy tarbiya va sport sohasi vakillari taqdirlanadilar.

Universitet jamoasi ko‘krak nishoni sohiblarini samimiy tabiriklab, kelgusi faoliyatlariga zafarlar tilab qoladi!

https://t.me/uzdjtsu_rasmiy