“Doping va uning sportchi organizmiga taʼsiri” mavzusida oʻquv-seminari oʻtkazildi

Joriy yilining 24-sentyabr kuni Oʻzbekiston davlat jismoniy tarbiya va sport universitetining yakkakurash yoʻnalishida tahsil oluvchi talabalari uchun “Doping va uning sportchi organizmiga taʼsiri” mavzusida oʻquv-seminari oʻtkazildi.

Universitet va Oʻzbekiston Milliy antidoping agentligi hamkorligida tashkil etilgan oʻquv seminarda  talabalar va oʻqituvchilar ishtirok etishdi.

Seminar davomida talaba sportchilar oʻzlarini qiziqtirgan savollar bilan mutaxassislarga murojaat qilishdi va kerakli tavsiyalarni olishdi. Uchrashuv yakunida talabalarga antidoping qoidabuzarliklari boʻyicha maxsus tayyorlangan tarqatma materiallar ham taqdim etildi.