Xushxabar! O'zbekiston davlat jismoniy tarbiya va sport universitetining yana bir talabasi xalqimizga oltin medal hadya qildi!!!

#Tokio_2020

Yaponiyaning Tokio shahrida davom etayotgan XVI yozgi Paralimpiya o‘yinlarining oltinchi kungi bahslari ham vakillarimiz uchun omadli boshlandi.

Biroz avval para yengil atletikaning erkaklar o‘rtasida F41 klassida yadro uloqtirish bahslari o‘z nihoyasiga yetdi.

Quvonarlisi, hamyurtimiz O'zbekiston davlat jismoniy tarbiya va sport universitetining ikkinchi kurs talabasi Boburjon Omonov Paralimpiya rekordini yangilagan holda oltin medalga sazovor bo‘ldi. Boburjon yadroni 14.06 metr masofaga uloqtirishga muvaffaq bo‘ldi.

Ta’kidlash kerak, bu borada jahon rekordi ham aynan Omonovga tegishli. Boburjon BAAda bo‘lib o‘tgan jahon chempionatida 14.31 metr natija qayd etgan holda rekord o‘rnatgan edi.

https://t.me/uzdjtsu_rasmiy