Iroda Tulaganova yakuniy davlat attestatsiyasida

Joriy yilning 10 iyun kuni O‘zbekiston davlat jismoniy tarbiya va sport universiteti bakalavriat taʼlim yo‘nalishi tennis va badminton ixtisosligi bitiruvchilari uchun ixtisoslik fanlaridan yakuniy davlat attestatsiyasi o‘tkazildi.

Yakuniy davlat attestatsiyasida O‘zbekiston tennis federatsiyasi bosh kotibi va Osiyo federatsiyasi vitse-prezidenti Iroda Tulaganova, O‘zbekiston badminton federatsiyasi bosh kotibi Anajon Jumaniyazova va “Tennis, badminton nazariyasi va uslubiyati” kafedrasi professor-o‘qituvchilari ishtirok etishdi.

Yakuniy davlat attestatsiyasi hayʼat aʼzolari Iroda Tulaganova hamda Anajon Jumaniyazova tennis va badminton ixtisosligi bitiruvchilariga o‘z tavsiyalarini berdilar hamda ularga yakuniy davlat attestatsiyasini aʼlo baholarga topshirishlarida omad tiladilar.

Tennis va badminton ixtisosligi bo‘yicha yakuniy davlat attestatsiyasi ko‘tarinki ruhda o‘tkazildi va bitiruvchilar muvaffaqiyatli topshirishdi.

https://t.me/uzdjtsu_rasmiy